بە بڕی 10 ملیار دۆلار وەبەرهێنان لە بنکەیەکی سەربازی ئەمەریکا دەکرێت

ناوەندی هەواڵ

قەتەر بەبەهای 10ملیار دۆلار وەبەرهێنان لە بنکەی ئاسمانی عودەیدەی ئەمەریکا دەکات.

ئەمڕۆ پێنجشەممە 15ی ئایاری2025، دۆناڵد ترەمپ، سەرۆکی ئەمریکا رایگەیاند، ئەمریکا خاوەنی بەهێزترین کەرتی سەربازییە لە جیهاندا، وتیشی گەورەترین بودجەی سەربازی بۆ سوپای وڵاتەکە تەرخان دەکات.

سەرۆكی ئەمریكا ئاشكرای دەكات قەتەر بە بەهای 42 ملیار دۆلار گرێبەستی كڕینی چەكی ئیمزا كردوە و 10 ملیار دۆلاریشی بۆ بونیادتنانی سەربازیی تەرخان دەكرێت.

دۆناڵد ترەمپ، سەرۆكی ئەمریكا لە كۆنگرەیەكی رۆژنامەوانی لە بنكەی سەربازیی عەدید لە قەتەر رایگەیاند، بڕیارە  ئەمریكا بە بەهای 42 ملیارد دۆلار چەك بە قەتەر بفرۆشێت.

وتیشی" لە پێشینەی کارەکانی کۆتاییهێنانە بە ململانێکان، بەڵام درێغی ناکات لە بەکارهێنانی هێز بۆ بەرگریکردن لە هاوبەشەکانی ئەمەریکا.

"قەتەر بەبەهای 10 ملیار دۆلار وەبەرهێنان لە بنکەی ئاسمانی عودەیدەی ئەمەریکا دەکات".

رۆژی سێشەممە، دۆناڵد ترەمپ گەشتێکی چەند رۆژەی بۆ رۆژهەڵاتی ناوەڕاست دەستپێکرد و وێستگەی یەکەمی سەردانەکەی سعودیە بوو، دواتریش گەیشتە قەتەر وسەردانەکەی لەو وڵاتە یەک رۆژی خایاند و ئەمڕۆش گەیشتە ئەبوزەبی پایتەختی ئیمارات.