نرخى لیترێك به‌نزین له‌ وڵاتان و به‌راورد به‌ هه‌رێمى كوردستان

بەنزین لە هەرێمی کوردستان لە سعودیە و قەتەر گرانترە

نرخى به‌نزین له‌ هه‌رێمى كوردستان، سه‌ره‌ڕاى ئه‌وه‌ى دووجار و چه‌ند بڕیارێكى له‌باره‌وه‌ ده‌رچووه‌، هێشتا گرانه‌ و هاووڵاتیان گله‌ییان له‌ نرخ و كوالێتییه‌كه‌شى هه‌یه‌، ئێستا به‌نزینى نۆرماڵ هه‌رچه‌نده‌ حكومیه‌كه‌ى 750 دینار و بازرگانییه‌كه‌شى 850 دیناره‌ به‌ڵام له‌ زۆرێك له‌ به‌نزینخانه‌كانى هه‌رێمى كوردستان ده‌ستناكه‌وێت.

به‌نزینى موحه‌سه‌ن و سوپه‌ریش حكومه‌ت تائێستا بڕیارێكى ڕوونى له‌ باره‌وه‌ نه‌داوه‌، له‌ به‌نزینخانه‌كانیش نرخه‌كه‌ى جیاوازه‌، به‌ڵام له‌نێوان 1200 دینار بۆ 1500 دیناردایه‌، ئه‌م گرافیكه‌ جیاوازى نرخى به‌نزین له‌نێوان هه‌رێمى كوردستان و وڵاتان ده‌رده‌خات، ده‌رده‌كه‌وێت نرخى به‌نزین له‌ هه‌رێمى كوردستان له‌ زۆربه‌ى وڵاتان به‌رزتره‌.

نرخى به‌نزین له‌ هه‌رێمى كوردستان (نمونه‌ى نۆرماڵى هه‌ولێر وه‌رگیراوه‌)

لیترێكى نۆرماڵ 96 سه‌نت

سعودیه‌ لیترێك نۆرماڵ 62 سه‌نت

قه‌ته‌ر لیترێك نۆرماڵ 58 سه‌نت

میسر لیترێك نۆرماڵ 47 سه‌نت

توركمانستان لیترێك نۆرماڵ 43 سه‌نت

عیراق لیترێك نۆرماڵ 42 سه‌نت

جه‌زائیر لیترێك نۆرماڵ 35 سه‌نت

كوه‌یت لیترێك نۆرماڵ 34 سه‌نت

ئه‌نگۆلا لیترێك نۆرماڵ 33 سه‌نت

ڤه‌نزوێلا لیترێك نۆرماڵ 4 سه‌نت

ئێران لیترێك نۆرماڵ 3 سه‌نت

لیبیا لیترێك نۆرماڵ 2 سه‌نت

ئه‌وه‌ى تێبینى ده‌كرێت، به‌ گشتیی ئه‌و وڵاتانه‌ى نه‌وتیان هه‌یه‌، نرخى به‌نزین تێیاندا به‌رزتره‌، له‌ هه‌رێمى كوردستانیش نرخى لیترێك به‌نزین له‌ سعودیه‌ و قه‌ته‌ر گرانتره‌.