سودانی داوا لە سەرۆک کۆماری نوێی ئێران دەکات سەردانی عێراق بکات

ناوەندی هەواڵ

سەرۆک وەزیرانی عێراق بە شێوەیەکی فەرمی دوای لەمەسعود پزشکیان، سەرۆک کۆماری نوێی ئێران کرد بۆ ئەوەی سەردانی عێراق بکات.

نوسینگەی محمد شیاع سودانی، سەرۆک وەزیرانی عێراق  لە راگەیەندراوێکدا بڵاویکردەوە، سودانی بەتەلفوون قسەی لەگەل سەرۆک کۆماری نوێی ئێران کردووە وێڕای  پیرۆزبایی بەبۆنەی وەرگرتنی پۆستی سەرۆک کۆماری ئێران و بەفەرمی بانگهێشتی کردووە تا سەردانی بەغداد بکات.

بەپێی ڕاگەیەندراوەکە، هەردوولا جەختیان لە بەردەوامبوونی هەماهەنگیی هاوبەش لە بوارە جیاجیاکان و دۆسیەکانی پەیوەست بە ئاسایش و ئابووری کردووەتەوە، بەو جۆرەی لە بەرژەوەندیی هەردوولادا بێت و ببێتە هۆی بووژانەوەی عێراق و ئێران.

ئاماژە بەوەشدراوە، سەرۆک وەزیرانی عێراق   بانگهێشتمانەی  ئاڕاستەی پزشکیان کردووە تا سەردانی عێراق بکات، ئەوەش بە مەبەستی برەودان بە پەیوەندییەکانیان و گفتوگۆکردن لەبارەی چەندین دۆسیەی گرنگ.