وردەکاری کۆبونەوەی نێوان سودانی و وەزیری دەرەوەی سعودیە

ناوەندی هەواڵ

ئەمڕۆ پێنجشەممە 22ـی ئابی 2024، محمد شیاع سودانی، سەرۆکوەزیرانی عێراق لەگەڵ فەیسەڵ بن فەرحان سعود، وەزیری دەرەوەی شانشینی سعودیە کۆبووەوە و گفتوگۆ لەسەر کۆمەڵێک تەوەرکراوە.

نووسینگەی ڕاگەیاندنی سەرۆکوەزیرانی عێراق لە بەیاننامەیەکدا ڕایگەیاندووە، محەمەد شیاع سودانی، سەرۆکوەزیرانی عێراق پێشوازی لە فەیسەڵ بن فەرحان سعود وەزیری دەرەوەی شانشینی سعودیە کردووە،

ڕوونیشیکردووەتەوە، لە کۆبوونەوەکەدا باس لە پەیوەندییە دووقۆڵییەکانی نێوان عێراق و شانشینی سعوودیە کرا، و ئاسۆی پەرەپێدانیان لە هەموو بوارەکاندا بەتایبەتی سیاسی و ئابووری، پتەوکردنی هاوبەشییە بەرهەمدارەکان، و کاراکردنی ئەنجومەنی هەماهەنگی عێراق و سعودیە، بە شێوەیەک کە سوودی هاوبەش و بەرژەوەندی هاوبەش بۆ هەردوو وڵاتی برا بەدەست بهێنرێت.

ئاماژەی بەوەشکردووە، لە کۆبوونەوەکەدا بڕیاری پێداچوونەوە بە گرنگترین پێشهاتەکانی ناوچەکە، کاردانەوەی بەردەوامی دەستدرێژییەکانی غەززە، پێویستی بەردەوامبوونی کاری هاوبەش و هەماهەنگی هەوڵە عەرەبی و نێودەوڵەتییەکان بۆ ڕاگرتنی دەستدرێژیی، و داوا لە کۆمەڵگەی نێودەوڵەتی کراوە بۆ ئەوەی ڕۆڵی تەواوی خۆی بگرێتە ئەستۆ بۆ ڕێگریکردن لە کارەساتی جینۆساید کە زیاتر لە 10 مانگە دژی خەڵکی فەلەستینی بەردەوامە دژی مافە مێژووییەکان بۆ ژیان لەسەر خاکەکەی.