جگە لە دوو مووچە سبەینێ بڕە پارەیەکى دیکە بە پیشمەرگە دەدرێت

ناوەندی هەواڵ

بڕیارە سبەینێ بۆ جارى دووەم هاوکارى هاوپەیمانان کە بڕکەى 432 هەزار دینارە بۆ هەر پێشمەرگەیەک دەستبەدابەشکردنى بکریت.

سەرچاوەیەک لەوەزارەتى پێشمەرگە ئاماژەى بەوەداوە، سبەینێ لەگەڵ دابەشکردنى مووچەى مانگى 5 و 6، بڕى 432 هەزار دینار هاوکاریى هاوپەیمانان بۆ لیواکانى پیادەى وەزارەتى پێشمەرگە دابەشدەکرێت.

رۆژی چوارشەممە 17ی تەمووزی 2024،  مووچەی مانگی پێنج و شەشی ئەنجوومەنی ئاسایش و دەزگای ئاسایش و بەڕێوەبەرایەتی پۆلیسی پاراستنی دامودەزگا نەوتییەكان دابەشدەكرێت.
رۆژی پێننجشەممە 18ی 7، مووچەی مانگی پێنج و شەشی وەزارەتی پێشمەرگە، هێزەكانی 70 و 80، هێزەكانی زێرەڤانی و بەرگریی فریاكەوتن دابەشدەكرێت.

ماوەى دوو مانگە دابەشکردنى هاوکارى هاوپەیمانان  بۆ پیشمەرگە دەستپیکردووە و  بڕیارە هاوکارییەکە تا ساڵى 2026 بەردەوام بێت و ساڵانەش برى پارەکە گۆرانکارى بەسەردا دەکرێت، واتە ئەو پارەیە مەرج نییە بۆ مانگى داهاتوو هەمان بڕ وەربگرن، هەرکات ژمارەى هێزى پێشمەرگە زیاد بکات پارەکە کەم دەکات.