لیژنەی ئارامی سلێمانی: بردنەژوورەوەی کامێرا و مۆبایل بۆ بنکە و وێستەگەکانی دەنگدان قەدەغەیە

ناوەندی هەواڵ

لیژنەی ئارامی پارێزگای سلێمانی لە نووسراوێکدا بڕیارەکانی لیژنەکەی بۆ هەڵبژاردنی پەرلەمانی کوردستان بڵاوکردەوە و دەڵێت، بردنەژوورەوەی کامێرا و مۆبایل بۆ بنکە و وێستەگەکانی دەنگدان لە دەنگدانی تایبەت و گشتی قەدەغەیە.

ئاماژەی بەوەشکردووە، لە ڕۆژی هەڵبژاردن هاتوچۆ لەنێوان شارەکانی هەرێمی کوردستان و دەرەوەی هەرێمی کوردستانیش ئاسایی دەبێت و فڕۆکەخانە، دەروازە نێودەوڵەتییەکان و بازگەی نێوان شارەکان کراوە دەبن.

لەنوسراوەکەدا ئەوەشهاتووە، چاودێرى قەوارە و هاوپەیمانییەکان و چاودێرى نێودەوڵەتى و ڕۆژنامەوانان بەبێ باجى فەرمیى کۆمسیۆن ناتوانن بچنە ناو بنکەکانى دەنگدان.

بەگوێرەی نووسراوەکەی لیژنەی ئارامی پارێزگای سلێمانی، هەموو میکانیزمێک بۆ "هەڵبژاردنێکی ئازادانەی ڕوون و بێگەرد دەگیرێتەبەر".