کۆچبەرە کوردە دەستگیرکراوەکانى تونس ئازاد کران

ناوەندی هەواڵ

دواى نزیکەى دوو مانگ لە دەستگیرکردنى 16 کۆچبەرى کورد لە تونس، 14 کۆچبەریان ئازادکران و ئەندامێکی لیژنەی پەیوەندییەکانی دەرەوەی پەرلەمانی عێراق دەڵێت،ئەو دوو کەەى کەماوە لە نزیکترین کاتدا ئازاد دەکرێن.

موسەننا ئەمین، ئەندامی لیژنەی پەیوەندییەکانی دەرەوەی پەرلەمانی عێراق، ئەمڕۆ شەممە 05-10-2024 راگەیاند، ئەو کۆچبەرانەى لە وڵاتى تونس دەسبەسەرکرابوون، 14 ئازادکران و دوو کەسەکەی دیکە تەمەنیان خوار 18 ساڵە و هەندێک رێکاری رۆتینی ماون و بڕیارە لە نزیکترین کاتدا ئازادبکرێن.

دەشڵێت، کەسوکاری ئەو ئەو هاوڵاتیانە  ئاگادارکراونەتەوە کە تیکتی فڕۆکەیان بۆ دابین بکەن تا بگەڕێنەوە هەرێمی کوردستان.

پێشتریش عومەر بەرزنجى، بریکارى وەزارەتى دەرەوەى عێراق رایگەیاند، لەماوەى رابردوودا ژمارەیەکى زۆر هاوڵاتیى عێراق کە هاوڵاتى هەرێمى کوردستانیشیان تێدابووە و ویستویانە بە رێگەى ئاویى خۆیان بگەیەننە وڵاتانى ئەوروپا، بەڵام لەلایەن حکومەتی تونسەوە دەستگیرکراون.