گوڵستان کڵچ: وەک لایەنێکى سەرەکى ئۆپۆزسیۆن لە پەرلەمانى تورکیا کاریگەرى گەورەمان هەیە

ناوەندی هەواڵ

سەرۆکی فراکسیۆنی دەم پارتی ڕایگەیاند، کاریگەریی ئەوان لە پەرلەمان بە ئەندازەی ئۆپۆزسیۆنی سەرەکییە و لە بەرامبەر هاوپەیمانیی ئاک پارتی و مەهەپە وەستاوەتەوە، تاکە پارتە ڕێگرە لە سیاسەتی فاشیزمی ئاک پارتی و مەهەپە.

گوڵستان کڵچ، سەرۆکی فراکسیۆنی دەم پارتی لە کۆنگرەیەکی ڕۆژنامەوانیدا لە پەرلەمان وتی، دەم پارتی لە پەرلەمان و لە سەرتاسەری وڵاتدا، نوێنەرایەتی ئۆپۆزسیۆنی ڕاستەقینە دەکات، ئەمە واقیعە و تەواوی پارتە سیاسییەکان و گەلانی تورکیا دەزانن.

وتیشی، هێزێکی سەرەکین لە بەرامبەر ئاک پارتی و مەهەپە، هاوکات تاکە پارتە ڕێگرە لە سیاسەتی فاشیزمی ئاک پارتی و مەهەپە.

گوڵستان کڵچ، سەرۆکی فراکسیۆنی دەم پارتی ، دەم پارتی تاکە پارتە ڕاشکاوانە قسەی خۆی لە دژی سیاسەتەکانی کۆشکی کۆماری و سیاسەتی شەڕ دەکات، هەروەها تاکە پارتی سیاسییە ڕاستییەکان بۆ گەلی تورکیا ئاشکرا دەکەن.