کاتى دابەشکردنى نەوت لە سەنتەرى شارەکان راگەیەندرا

ناوەندی هەواڵ

بەڕێوەبەرایەتیی نەوت و کانزاکانی سلێمانی رایگەیاند لەم هەفتەیەدا دابەشکردنى نەوت لەسەنتەرى شارەکان دەستپێدەکات، هەر خێرزانێک بڕى 200 لیتر نەوتى پێدەدرێت.

بەگوێرەى ڕاگەیەندراوێکى بەڕێوەبەرایەتیی نەوت و کانزاکانی سلێمانی ڕۆژی چوارشەممە دابەشکردنی نەوت لە سەنتەری پارێزگای سلێمانی دەست پێدەکات، بڕى 200 لیتر نەوت بە نرخى 105 هەزار دینار بە هاوڵاتیان دەدرێت.
 لە راگەیەندراوەکەدا هاتووە، رۆژى چوارشەممە دابەشکردنی نەوت لە سەنتەری پارێزگای سلێمانی لە سنووری مەڵبەندی یەک دەست پێ دەکات، کە لە گەڕەکەکانى شەهیدانی ئازادی، ئازادی، عەلی کەمال، هەوارە بەرزە، گۆیژە و توی مەلیک پێکهاتووە.

ئەو نەوتەى بە هاوڵاتیان دەدرێت بڕەکەى 200 لیترە و بە نرخی پاڵپشتیکراوی حکومەتی هەرێمی کوردستان دابەش دەکرێت و بەرمیلی 100 هەزار دینارە و 4 هەزار بۆ کرێ و هەزار دیناریشی بۆ کارتی زیرەک دەچێتەسەر و بە 105 هەزار دینارە، بەڵام بەشێک لە هاوڵاتیان بەهۆى گرانى نرخەکەى ئامادە نین نەوتەکە وەربگرن.