پزیشکێکی عێراقی لە غەززە بە نەشتەرگەری قۆڵی بۆ منداڵێک چاندەوە

ناوەندی هەواڵ

پزیشکێکی عێراقی، توانی کۆتایی بەئازاری منداڵیکی فەلەستینی بهێنێت و خەونەکەی بهێنێتەدی ئەویش چاندنەوەی قۆڵەکانی مریەمی تەمەن نۆ ساڵان بوو، کە جوڵانی دەستەکانی بوو بە بێ نیگەرانی وەک منداڵەکانی دیکە بتوانێت بەردەوام بێت لە یاریکردن و خۆشی.

محەمەد تاهیر، پزیشکێکی خۆبەخشەو لە کەرتی غەززە لە سەرەتای دەسـت پێکردنی شەڕی ئیسرائیل سەرکەوتوانە کاری مرۆیی ئەنجامداوە و توانی دەستی مریەمی نۆ ساڵان بچێنێتەوە کە بەهـۆی تۆپبارانەکانی ئیسرائیلەوە قۆڵی لەدەستدابوو.

پزیشکەکە ڕایگەیاندووە، بینینی دیمەنێکی لەو شێوەیە وای لێکردووە کە داوا لە باوکی مریەم بکات کە قۆڵەکەی لە ژێـرداروبەرد بدۆزێتەوە وبۆی بـهێنێت تا بۆی بچێنێتەوە و هیوایەک بۆ مریەم بگەرێـنێتەوە.

پزیشکەکە ڕایگەیاندووە "سوپاس بۆ خوا لە دوای دۆزینەوەی بەهۆی ساردی کەشوهەوا یارمەتیدەرێک بوو بۆ پاراستنی ئەندامەکە لەکاتی چاندنەوەی قۆڵی.

نەشتەرگەری دووبارە چاندنەوەی ئەو ئەندامە پەڕیوە کە لەسەر مریەم کراوە یەکەم نەشـتەرگەری بـووە لەو جۆرە بەسەرکەوتوویی کۆتایی هاتووە سەرەڕای تێکچوونی بارودۆخی تەندروستی و نەبوونی پێداویستی تایـبەت و توانای پزیشکی تەواوەتی لە کەرتی غەززە.

پزیشکەکە، لە باوک و دایکێکی عێراقی، پێش ناوەڕاستی هەشتاکانی سەدەی ڕابردوو لە بەریتانیا (وێڵز) لەدایکبووە و لەوێ ژیاوە و گەورە بووە و خوێندنی سەرەتایی و زانکۆی و پسپۆڕی لە زانکۆکانی بەریتانیا تەواوکردووە.

 ساڵێک لەمەوبەر خۆبەخشانە ( لەناو تیمی کاری پزیشکی ئەوروپی ) بۆ کارکردن لە سەختترین ناوچەکان لە کەرتی غەززە هاتووەتە ئەو وڵاتە. 

لە ماوەی کاری خۆبەخشییەکەیدا، زیاتر لە 290 نەشتەرگەری گەورەی ئەنجامداوە جگە لە زۆر نەشتەرگەری دیکە، بەوەش تەحەدای کەمی تواناکان و مەترسییە نزیکەکانی ناوچە زیانلێکەوتووەکانی کردووە.