شاندی دەم پارتی لە ئیمراڵی گەڕانەوە

ناوەندی هەواڵ

شاندی ئیمراڵیی دەم پارتی كە ئەمڕۆ بۆ دیداری عەبدوڵا ئۆجەلان، رێبەری زیندانیكراوی پەكەكە چونە ئیمراڵی، پاش دیداریان لەگەڵ ناوبراو گەڕانەوە.

بەپێی هەواڵی میدیاكانی باكوری كوردستان، ئەندامانی شاندەکەی ئیمرالی پارتی یەکسانی و دیموکراسی گەلان "دەم پارتی" پێكهاتوون لە پەروین بوڵدان و پارێزەر فایەق ئۆزگور ئەرۆل،ە ئەمڕۆ یەکشەمە18ی ئایاری 2025، بۆ ئەنجامدانی دیدار لەگەڵ عەبدوڵا ئۆجالان، رێبەری زیندانیكراوی پەكەكە سەردانی دورگەی ئیمراڵیان كرد، دوای كۆتاییهاتنی دیدارەكەیان دورگەكەیان جێهێشت و گەڕانەوە.

 لە ڕۆژی 21ی مانگی ڕابردو كۆتاجار بوو کە شاندی  ئیمراڵی بەمەبەستی ئەنجامدانی دیدار لەگەڵ ئۆجالان، سەردانی ئیمراڵیان كرد  سەردانەكەی ئەمڕۆش لە دوای پێشهاتە نوێكان و ئەنجامدانی كۆنگرەی پەكەكە دێت كە تێیدا بڕیاری خۆهەڵوەشاندنەوە و كۆتایی خەباتی چەكداری ڕاگەیاند.