2025-06-04
240 جار خوێنراوەتەوە
ئیسرائیل زیاتر له 20 پێگه‌ی سه‌ربازی سوریای كرده ئامانج
ناوه‌ندی هه‌واڵ
سوپای ئیسرائیل ئه‌مشه‌و، (4ی حوزه‌یرانی 2025) زیاتر له 20 پێگه‌ی سه‌ربازی گروپه چه‌كداره‌كانی سوریا و سوپای سوریای له باشووری ئه‌و وڵاته كرده ئامانج، تا ئاماده‌كردنی ئه‌م هه‌واڵه هێرشی فڕۆكه جه‌نگییه‌كانی ئیسرائیل بۆ سه‌ر سوریا به‌رده‌وامه.
پاش كه‌مێك له به‌یاننامه‌كه‌ی "ئیسرائیل كاتس" وه‌زیری به‌رگری ئیسرائیل له‌باره‌ی ئه‌و هێرشه موشه‌كییه‌ی له‌ناو خاكی سوریاوه كرایه سه‌ر ناوچه‌كانی جۆلان، و به‌ڵێنی وه‌ڵامدانه‌وه‌یه‌كی توندی دا، سوپای ئیسرائیل زیاتر له 20 شوێنی جیاوازی له باشووری سوریا كردۆته ئامانج.
ئه‌و جێگایانه‌ی ئیسرائیل كردویه‌تییه ئامانج، بریتین له پێگه سه‌ربازییه‌كانی ده‌وروبه‌ری دیمه‌شق، قونه‌یته‌ره و ده‌رعا.
هه‌روه‌ها به پێی ڕاگه‌یاندنی سوپای ئیسرائیل، ئه‌م هێرشه تا 48 كاتژمێری تر به‌رده‌وام ده‌بێت.
"ئیسرائیل كاتس" هه‌ر ئه‌مشه‌و، "ئه‌حمه‌د شه‌رع"ی سه‌رۆكی كاتی سوریای به به‌رپرس دانا له هه‌ر هێرشێك بكرێته سه‌ر وڵاته‌كه‌یان.
دوای هێرشی سوپای ئیسرائیل، وه‌زاره‌تی ده‌ره‌وه‌ی سوریا ڕاگه‌یه‌نراوێكی بڵاوكرده‌وه و دوپاتیكرده‌وه: "وڵاته‌كه‌یان نابێته هه‌ڕه‌شه له‌سه‌ر هیچ وڵاتێكی ناوچه‌كه، هه‌روه‌ها كاری هه‌ره‌له‌پێشینه‌یان له باشووری سوریا، چه‌سپاندنی ده‌سه‌ڵاتی ده‌وڵه‌ت و نه‌هێشتنی هیچ حاڵه‌تێكی چه‌كدارییه له ده‌ره‌وه‌ی ده‌سه‌ڵاتی ده‌وڵه‌ت"، ئه‌مه‌ش وه‌ك ئاماژه‌یه‌ك بۆ خۆبێبه‌ریكردنیان له‌وه‌ی ئه‌و هێرشه موشه‌كییه‌ی كراوه‌ته سه‌ر ئیسرائیل كاری ئه‌وان نییه.
هه‌ر له ڕاگه‌یه‌نراوه‌كه‌ی وه‌زاره‌تی ده‌ره‌وه‌ی سوریادا هاتووه: "ئه‌وان هێشتا له لێكۆڵینه‌وه‌دان له‌باره‌ی ده‌نگۆی ئه‌و هێرشه‌ی كه گوایه كراوه‌ته سه‌ر ئیسرائیل، و ئیدانه‌ی ئه‌و هێرشه‌ی ئیسرائیل ده‌كه‌ن كه ده‌كرێته سه‌ر وڵاته‌كه‌یان و ئه‌مه‌ش پێشێلكردنی ئاشكرای سه‌روه‌ری سوریایه، ئه‌م هێرشانه له كاتێكدایه ناوچه‌كه له هه‌ركاتێكی تر زیاتر پێویستی به ئارامی و ئاسایش هه‌یه".
پاش هێرشه موشه‌كیه‌كه، گروپێكی چه‌كداری نه‌ناسراو به‌ناوی"كه‌تائیبی شه‌هید محه‌مه‌د زێف" به‌رپرسیارێتی ئه‌و هێرشه‌ی گرته ئه‌ستۆ كه كرایه سه‌ر به‌رزاییه‌كانی جۆلان.
به پێی سه‌رچاوه هه‌واڵییه‌كانی ئیسرائیل، ئه‌و گروپه چه‌كدارییه پێش ته‌نیا چه‌ند ڕۆژێك و له به‌رواری (31ئایاری 2025) خۆی ئاشكرا كردووه، و هه‌ژمارێكی له‌سه‌ر تێلیگرام كردۆته‌وه، هه‌ر زوو بزوتنه‌وه‌ی حه‌ماسی فه‌ڵه‌ستینی بێئاگایی خۆی له‌باره‌ی ئه‌و گروپه‌وه ڕاگه‌یاند، به‌و پێیه‌ی گروپه‌كه ناوی سه‌ركرده‌یه‌كی ئه‌وانی له‌خۆی ناوه.
به پێی هه‌واڵه‌كانی ناوخۆی سوریا، له بۆردومانی ئیسرائیل بۆسه‌ر لیوای 121ی سه‌ر به فیرقه‌ی حه‌وتی پیاده‌ی سوپای سوریا له باشووری دیمه‌شق، چه‌ندین كوژرا و بریندار هه‌یه.
-
ئەلمۆنیتۆر: نێردەی سەرۆکی ئەمەریکا بۆ سوریا لەگەڵ مەزلوم عەبدی و مەسرور بارزانی کۆ دەبێتەوە
|
-
زۆرترین کەس لە تاران و کرماشان بەهۆی هێرشەکانی ئیسرائیل کوژراون
|
-
بەشی زۆری ڕێکخەرانی خۆپیشاندانەکەی سلێمانی دەستگیر کراون
|
-
چۆن دەزگای هەواڵگری مۆساد دزەی کردە ناو ئێران و سیستمە بەرگریییەکانی لەناو برد؟
|
-
ئێران وەڵامی هێرشەکانی ئیسرائیلی دایەوە و سەدان موشەک و درۆنی ئاڕاستەکرد
|
-
واشنتۆن پۆست: ئەو موشەکانەی ئەمڕۆ هێرشەکەی پێ ئەنجامدرا چەند مانگێک لەمەوپێش ئاودیوی ئێران کراوە .
|
-
پانۆراماى پێشهاتە سەربازییەكانى نێوان ئێران و ئیسرائیل
|
-
هەپەگە لە ڕاگەیاندراوێکدا "تورکیا بەچەکی قورس و قەدەغەکراو و درۆن هێرش دەکاتە سەر گەریلا"
|
-
ئەندامێکی هاوپەیمانی ئەنبار " ڕۆژانە سەدان هەزار بەرمیل نەوت بە قاچاغ ئاودیوی تورکیا دەکرێت و داهاتەکەشی بنەماڵەیەک دەستی بەسەردا دەگرێت "
|
|
|
|