میدیاى ئه‌مریكى زانیارییه‌كى گرنگ له‌باره‌ى حه‌ماس‌و چه‌كداره‌كانیه‌وه‌ ئاشكراده‌كات

به‌پێی ڕاپۆرتێکی نیویۆرک تایمزی ئه‌مریكی، دوای كشانه‌وه‌ی سوپای ئیسرائیل له‌به‌شێكی غه‌ززه‌ له‌مانگی ئۆکتۆبەری ساڵی ڕابردوودا به‌پێی ئه‌و ئاگربه‌سته‌ی كه‌ هه‌یه‌، بزوتنه‌وه‌ی حه‌ماس کاردەکات بۆ دووبارە بونیادنانەوەی هێزی خۆیی‌و پڕكردنه‌وه‌ی ئه‌و بۆشاییه‌ی له‌غه‌ززه‌دا هه‌بوه‌.

ڕۆژنامەکە  له‌زاری بەرپرسانی ئیسرائیلی‌و بەرپرسێکی هەواڵگریی عەرەبی بڵاویكردوه‌ته‌وه‌؛ حەماس سەرەڕای لەدەستدانی ژمارەیەکی بەرچاو لەسەرکردەکانی‌و هەزاران چەکداری، توانیویەتی دەسەڵاتی خۆی لەکەرتی ناوچەکەدا بسه‌پێنێته‌وه‌و هێزەکانی پۆلیسیش بۆسه‌ر شه‌قامه‌كان بگه‌ڕێنێته‌وه‌و باجیش بخاته‌سه‌ر هه‌ندێك كاڵای گرانبه‌های هاورده‌كراوه‌.

ڕۆژنامەکە لەزاری شاڵۆم بن حەنان، بەرپرسی پێشووی دەزگای ئاسایشی ناوخۆی ئیسرائیل (شین بێت) نووسیویەتی، "حەماس گورزێکی گەورەی بەرکەوت، بەڵام شکستی پێنەهێنا، تائێستاش له‌سه‌ر پێكانی ڕاوه‌ستاوه‌".

ئاماژە بەوەشکراوه‌، كه‌ بەپێی خەمڵاندنە فەرمییەکان حه‌ماس له‌ئێستادا خاوه‌نی 20 هەزار چەکداره‌و توانیویشیه‌تی جێگه‌ی سه‌ركرده‌و فه‌رمانده‌ كوژراوه‌كانی پڕبكاته‌وه‌.

ئه‌وه‌ش دوپاتكراوه‌ته‌وه‌، هێشتا حه‌ماس خاوەنی کۆگاو حەشارگەی چەکه‌و زیاتر لەنیوەی تۆڕی تونێلە ژێرزەمینییەکانی وەک خۆی ماوەتەوە.