سوپای تورکیا ئۆپەراسیۆنە نوێیەکەی لە ئاسمانەوە بۆ قەزای چۆمان درێژکردۆتەوە

ناوەندی هەواڵ

لێپرسراوی بەشی مافی مرۆڤ لە ڕێكخراوی سی پی تی ئەمریكی ڕایدەگەیەنێت، کاتژمێر 5:40 خولەکی ئێوارەی ئەمڕۆ، سێشەممە، فڕۆکە جەنگییەکانی سوپای تورکیا بۆردوومانی سێ شوێنی کرد لە ناحیەی قەسرێی سەر بە قەزای چۆمان.

کامەران عوسمان، ڕاشیگەیاندووە، بۆردوومانەکان بۆ سەر بەرزاییەکانی (سێکانیان، گردان وزینۆکان) بوون لە کەڵەکی باڵەییان.

دەشڵێت، ئەمە دووەمین جارە کە لەم هەفتەیەدا، سوپای تورکیا بۆردوومانی سنوری قەزای چۆمان دەکات.

ڕۆژی 20ی تەمووز فڕۆکە جەنگییەکانی سوپای تورکیا، بە چڕی بۆردوومانی گەڵی گەلەژێری و گردی بێرییان لە کوێستانی بەردەسپییان لە نزیک چیای گردوگۆ لە قەزای چۆمان کرد.

لەسەرەتای ئەمساڵەوە، تاوەکو ئێستا بەهۆی لەشکرکێشییەکانی سوپای تورکیا لە خاکی هەرێمدا، (9) هاووڵاتی مەدەنی شەهیدبوون و (2) هاووڵاتی تری مەدەنیش برینداربوون.

تەوقەکەی ماکرۆن لەگەڵ عەبدی: پەیامێکی دیپلۆماسی و هاوسەنگی نوێ لە چوارچێوەی گۆڕانکارییە سیاسییەکانی ناوچەکە دا	کۆبوونەوەی لوتکە بەڕێوەدەچێت	سوریا گروپی گەشتیاریی تێكەڵ و مۆسیقای لەناوچە گەشتیارییەكان قەدەغەكرد
حەبیب حەلاوی بۆ هاکان فیدان: هەڕەشەت لێقبوڵ ناکەین	حکومەتی هەرێم کۆدەبێتەوە، كۆبوونەوەکە لەسەر كێشەی پارەی كارەبا نابێت	شەرع و ڕەغدەی کچی سەدام چی کۆیان دەکاتەوە و بۆچی کاتژمێری سفر دادەنێن؟
مافی مرۆڤی ئێران: خۆپیشاندەرە بریندارەکان بە کۆمەڵ لەسێدارە دراون	ئەبوبەکر هەڵەدنی: پیرۆزبایی لە یەگرتوی ئیسلامی دەکەم	عەباس عێراقچی: ئامادەین دەستبەرداری چەکی ئەتۆمی بین لە بەرامبەر هەڵگرتنی سزاکان