هاوپەیمانی سادقون: حکومەتی هەرێم گۆڕانکاری گەورەی بەسەردا دێت یەکێتی شوێنی پارتی دەگرێتەوە

ناوەندی هەواڵ

نوێنەری هاوپەیمانی سادقون لە پەرلەمانی عێراق ڕایگەیاند: هەڵبژاردنی پەرلەمانی کوردستان گۆڕانکاری گەورە لە حوکمڕانی هەرێم دروست دەکات.

ئاژانسی هەواڵی میهرلە ڕاپۆرتێکدا دەڵیت، باڵادەستی ئەم دواییەی یەکێتی نیشتمانی کوردستان بەسەر لایەنە کوردستانییەکانی دیکەو سەرکەوتنەکەی لە پارێزگای کەرکوک و نەینەوا ئاماژەیە بۆ گۆڕانی حکومەتی هەرێمی کوردستان لە داهاتوودا.

هاوکات، سوهەیلە سوڵتانی، نوێنەری هاوپەیمانی ئەسادقون لە پەرلەمانی عێراق، لە وتووێژێکدا لەگەڵ ئاژانسی هەواڵی "ئەلمەعلوومە"، ڕایگەیاندووە: لایەنگرانی پارتی دیموکراتی کوردستان وەک جاران نەماون و بوونی لایەنە تازەپێگەیشتوەکان لە گۆڕەپانی سیاسیدا ژمارەی لایەنگرانی ئەم حزبەی زۆر کەم کردووەتەوە و یەکێتی دەتوانێت دەسەڵاتی سیاسی لە هەرێمی کوردستان بگرێتە دەست.

ئەوەشی خستەڕوو، سیاسەتی پارتی دیموکراتی کوردستان بەهۆی سەرکوتکردنی ئازادییەکان و تیرۆرکردنی چالاکوانانەوە بووەتە هۆی داکشانی ڕێژەی لایەنگرانی حزبەکە.