باڵیۆزخانەی ئەمریکا لە عێراق ڕاگەیەندراوێکی بڵاوکردەوە

باڵیۆزخانەی ئەمریكا لە عێراق راگەیەندراوێکی بڵاوکردەوە ڕایگەیاندووە، میلیشیا هاوپەیمانەكانی ئێران دامەزراوەیەكی دیپلۆماسی ئەمریكایان لە بەغداد كردووەتە ئامانج و حكومەتی عێراق دامەزراوە دیپلۆماسیەكان و هاوپەیمانی نێودەوڵەتی بپارێزێت.

وتەبێژی باڵیۆزخانەی ئەمریكا، لە ڕاگەیەندراوێکدا بڵاویکردەوە، کە میلیشیا هاوپەیمانەكانی ئێران، ڕۆژی سێ‌ شەممەی ڕابردوو، دامەزراوە دیپلۆماسیەكانی سەربە ویلایەتە یەكگرتووەكانیان لە بەغدادی پایتەخت كردووەتە ئامانج، داوا لە حكومەتی عێراقیش دەكات، دیپلۆماسیەكان و هاوپەیمانی نێودەوڵەتی بپارێزێت.

دەشڵێت: ڕۆژی سێ‌ شەممەی ڕابردوو، (10) ئەیلول، هێرشكراوەتە سەر كۆمەڵگەی پشتیوانی دیپلۆماسی لە بەغداد، كە دامەزراوەیەكی دیپلۆماسی ئەمریكایە، خۆشبەختانە هیچ زیانێكی لێنەكەوتووەتەوە.

باڵیۆزخانەکە ئاماژەی بەوەشکردووە، بەڵگەكان ئاماژە بۆ ئەوە دەكەن، هێرشەكە لەلایەن میلیشیا هاوپەیمانەكانی ئێرانەوە ئەنجامدراوە، كە بە ئازادی لە عێراق كاردەكەن