نۆیەمین دیدارى سلێمانى دەستپێدەکات

نۆیەمین دیداری سلێمانی ئەم مانگە لە زانکۆی ئەمریکی بە ئامادەبوونی ژمارەیەک سەرکردە و کەسایەتی لە هەرێمی کوردستان، عێراق، ئەوروپا و رۆژهەڵاتی ناوەڕاست بەڕێوەدەچێت.

بڕیارە دیدارەکە لە رۆژانی 16 و 17ی ئەم مانگە بەڕێوەبچێت، تیایدا ژمارەیەک پانێل و تەوەر لە بارەی كێشەكانی كوردستان و عێراق و ناوچەكە و پێشهاتەكان دەكرێت.

بە پێى زانیارییەکان وەک ئامادەکاریەک بۆ ئەو دیدارە، ئەمڕۆ نوێنەرانى دیدارەکە سەردانى زانکۆى ئەمریکیان لە شارى سلێمانى کرد و بڕیارە نزیکەى هەزار کەس وەک میوان لە كوردستان و جیهانەوە بەشداریی دیدارەكە بکەن و تێیدا پانێل و گفتوگۆ لە بارەی كێشەكانی كوردستان و عێراق و ناوچەكە و پێشهاتەكان دەكرێت.

دیدارى سلێمانى لە ساڵى 2013ەوە دەستیپێکردووە، سەکۆیەکە بۆ گفتوگۆ و دیبەیت لە نێوان سەرکردەکاندا لەسەرانسەرى جیهان.