پەرلەمانتارێکی عێراق: مووچەی مانگی ٨ نزیکە لە گەیشتن

ئیرادە میدیا

نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق، وردەکاری نوێی سەبارەت بە ناردنی مووچەی فەرمانبەرانی هەرێمی کوردستان لەلایەن بەغدادەوە ئاشکرا کرد و پێشبینی دەکات کە مووچەی مانگی ٨ی فەرمانبەران بەم زووانە بگاتە هەرێم. هاوکات، جەختی کردەوە لەسەر مەرجەکانی حکومەتی فیدراڵی بۆ دابینکردنی مووچەکان بۆ کۆتایی ئەمساڵ.

بەپێی قسەکانی نەرمین مەعروف بۆ میدیای یەکێتی، پێشبینی دەکرێت مووچەی مانگی 8ی فەرمانبەرانی هەرێم لە سبەینێ یاخود دوو سبەی لە بەغدادەوە بگاتە هەرێم و دواتر دەست بە دابەشکردنی بکرێت.

ئەو ئەندامەی لیژنەی دارایی ڕوونیکردەوە: بەردەوامیی ناردنی مووچە بۆ سەرجەم مووچەکانی ئەمساڵ، پەیوەستە بە جێبەجێکردنی دوو مەرجی سەرەکی لەلایەن حکومەتی هەرێمەوە:.

نەرمین مەعروف دڵنیایی دا کە ئەگەر ئەم دوو خاڵە جێبەجێ بکرێن، هیچ مووچەیەکی ئەمساڵ نافەوتێت و سەرجەم مووچەکان لە کاتی خۆیدا دەدرێن.

لە ئەگەری ئەوەی هەردولا نەگەنە ڕێککەوتن لەسەر داهاتی ناوخۆ، نەرمین مەعروف ئاماژەی بە میکانیزمێکی کاتی دا: حکومەتی هەرێمی کوردستان چەند 120 ملیار دینار بنێرێت، بەغداش بە بەهای هەمان بڕ پارە، مووچە بۆ هەرێم دەنێرێت.

تا ئێستا، وەزارەتی دارایی و ئابووری حکومەتی هەرێمی کوردستان بە شێوەیەکی فەرمی و ڕاستەوخۆ خشتەی دابەشکردنی مووچەی مانگی ٨ی بڵاونەکردووەتەوە. بەڵام پێشبینییەکان، بەتایبەت لێدوانەکانی ئەندامانی لیژنەی دارایی پەرلەمانی عێراق، ئاماژە بە نزیکبوونەوەی کاتی خەرجکردنی مووچەکە دەکەن.

چاوەڕوان دەکرێت لەگەڵ گەیشتنی پارە لەلایەن بەغدادەوە لە سەرەتای ئەم هەفتەیەدا، وەزارەتی دارایی هەرێم ڕاگەیاندراوی فەرمی دابەشکردنی مووچەکە بڵاو بکاتەوە.