هەسەدە کوژرانی 16 چەکدار و سەرکردەیەکى باڵاى سەربە گروپەچەکدارەکانى تورکیاى راگەیاند

ناوەندی هەواڵ

هێزەکانی سووریای دیموکرات رایگەیاند، لە نزیک بەنداوی تشرین 17 چەکداری گرووپە چەکدارەکانی نزیک لە تورکیایان کوشتووە و 40 چەکداری دیکەشیان بریندار کردووە و ژمارەیەک ئۆتۆمبێلى سەربازیش تێکشکێندران.

ناوەندی ڕاگەیاندنی هێزەکانی سوریای دیموکرات هەسەدە لە راگەیەندراوێکدا دەرئەنجامی هێرش و ئۆپەراسیۆنەکانی تورکیای ئاشکراکرد کە هێزەکانی لە دەوروبەری بەنداوی تشرین ئەنجامیاندا و بە پێى راگەیندراوەکەش 17 چەکداری گرووپە چەکدارەکانی نزیک لە تورکیایان کوشتووە و 40 چەکداری دیکەشیان بریندار کردووە و کە لەناویاندا بەرپرسێکى باڵاى تورکیاى تێدایە بەناوى ئەبو فایەز کە لیوای کۆماندۆی باکووربووە.

بە پێى زایارییەکانى راگەیەندراوەکە، هێزەکانى هەسەدە لە چەند بەرەیەک لە ناوچەکانی باکور و ڕۆژهەڵاتی سوریا، بە تایبەت لە بەرەکانی بەنداوی تشرین، هێرشی گەورەیان کردە سەر هێزەکانی داگیرکەری تورکیا و بەکرێگیراوەکانیان.

وەک هەسەدە ئاماژەى پێکردووە، بەرخۆدانی هەڤاڵان لە بەرامبەر هێرشی بەکرێگیراواندا بووە هۆی کوژرانی 17 بەکرێگیراو و برینداربوونی 40 کەسی دیکە کە سەرکردەکانیشیان تێدابوو.