تەندروستی جیهانی: چیتر لە‌غەززە چارەسەر بۆ هاوڵاتییان ناکرێت

ناوەندی هەواڵ

ڕێکخراوی تەندروستیی جیهانی ڕایدەگەیەنێت، دوای ئۆپەراسیۆنی سەربازیی ئیسرائیل، دوایین دامەزراوەی تەندروستیی لە باکووری غەززە لە خزمەتگوزاری وەستا. 

ڕێکخراوی تەندروستی جیهانی دەڵێت، بەهۆی ئەو ئۆپراسیۆنە سەربازیەی دوێنێ شەوی ئیسرائیل بۆ سەر نەخۆشخانەی کەمال عەدوان نەخۆشخانەکە وێران بووە زۆربەی کارمەند و چارەخوازەکانی ناو نەخۆشخانەکە سوتاون.

سوپای ئیسرائیل پێشتر ڕۆژی هەینی ڕایگەیاند، ئۆپەراسیۆنێکی سەربازیی لە دەوروبەری نەخۆشخانەی کەمال عەدوان، لە بەیت لاهیا لە باکووری کەرتی غەززە دەست پێ کردووە، کە ئاماژەیە بۆ لێدان لە ئەندامانی بزووتنەوەی حەماس، لە کاتێکدا وەزارەتی تەندروستیی فەڵەستین، ئیسرائیلی تۆمەتبار کرد بە هێرشکردنە سەر نەخۆشخانەکە.

هاوکات، وەزارەتی تەندروستیی فەڵەستین بڵاویکردەوە" پەیوەندیی لەگەڵ کارمەندان لەناو نەخۆشخانەی کەمال عەدوان لە بەیت لاهیا بچڕاوە، کە ماوەی چەند هەفتەیەکە لەژێر فشاری توندی هێزەکانی ئیسرائیلدایە."

وەزارەتی تەندروستی غەززە رۆژی هەینی لەبڵاوکراوەیەکدا، ئاماژەی بەوەکردبوو، سوپای ئیسرائیل ئاگری لەنەخۆشخانەکە بەرداوە و چەندین کارمەند و بریندار لەناو نەخۆشخانەکەدا سوتاون.

نەخۆشخانەی کەمال عەدوان(350) كەسی تێدایە كە (75) كەسیان بریندارن و ئەوانی تریش هاوەڵی نەخۆش و بریندارەكانن و ئەوانی دیكەش كارمەندانی نەخۆشخانەن لەبەشە جیاوازەكانن.