شەوی ڕابردوو قورسترین هێرش كرایە سەر حوسییەکان

ناوەندی هەواڵ

ڕۆژنامەیەكی عەرەبی ئاشكرای كرد شەوی ڕابردوو قورسترین هێرشی ئیسرائیل و هاوپەیمانان بۆ سەر حوسییەکان ئەنجامدرا.

بەپێی ڕاپۆرتێکی ڕۆژنامەی شەرقلئەوسەت، شەوی ڕابردوو حوسییەکانى یەمەن قورسترین هێرشی ئاسمانییان لەلایەن ئیسرائیل و هاوپەیمانان کراوەتە سەر.

ڕۆژنامەكە لەڕاپۆرتەکەیدا ئاماژەی بەوەشكردووە، لەو هێرشانەدا وێستگەى کارەبا و چەند پێگەیەکى سەربازیی لە سەنعا و عیمران و دوو بەندەر لە حودەیدە و رەئس عیسایان کردووەتە ئامانج و بەگوێرەى دوایین ڕاپۆرتی حوسییەکان، کەسێک کوژراوە و نۆ کەسی دیکە برینداربوون.

ڕۆژنامەكە باسی لەوەشکردووە، ئەو هێرشە بۆ سەر حوسییەکان لە درەنگانى دوێنێ شەو، بە پێنجەم هێرشی ئەمریکا و ئیسرائیل و وڵاتانى ڕۆژئاوا ئەژماردەکرێت، بەڵام بە قورسترین و چڕزپڕترین هێرش دادەنرێت.