ئیسرائیل حەماس بە پاشگەزبوونەوە لە ئاگربەستى غەززە تۆمەتبار دەکات

سەرۆک وەزیرانی ئیسرائیل حەماس بە پاشگەزبوونەوە لە ئاگربەستى نوێى غەززە تۆمەتبار دەکات و دەڵێت، حەماس لە بەشێک لە رێککەوتنەکە پەشیمانە و گومانى هەیە.

ڕۆژی 15-1-2025، دوای 15 مانگ شەڕ  لە نێوان ئیسرائیل و حەماس ئاگربەست لە غەززە بە نێوەندگیری میسر و قەتەڕ و ئەمریکا ڕاگەیێنرا، بەڵام تا ئێستا رێککەوتنەکە نەچووەتە بوارى جێبەجێکردنەوە و دواى ئاگربەستەکەش ئیسرائیل حەماسى بە پاشگەزبوونەوە لە رێککەوتنەکە تۆمەتبار کردووە.

نوسینگەی بنیامین نەتانیاهۆ، سەرۆک وەزیرانی ئیسڕائیل ڕایگەیاند، حەماس لە هەندێک لە خاڵەکانی ڕێککەوتننامەکە پاشگەز بووەتەوە ئێمەش بریارى کۆتایى لەبارەى رێککەوتنەکە نادەین، تا حەماس ئەو کێشانەی کە لە ئاگربەستەکە دروستیکردوون چارەسەر نەکات چونکە لە شێوازی ئاگربەستی غەززە و ئازادکردنی بارمتەکان نیگەرانین.

لە راگەیەندراوەکەى ناتانیاهۆدا هاتووە، کار بۆ چارەسەرکردنی "دواین وردەکارییەکان"ی ئەو ڕێککەوتنە دەکرێت کە بۆ ئاگربەست لە غەززە و ئازادکردنی ئەو بارمتانەی لە کەرتی غەززە دەستبەسەرکراون کراوە، تا کێشەکان چارەسەر نەکرێن بڕیارى کۆتاى لەسەر نادەن.