نامه‌یه‌كى به‌په‌له‌و هۆشداریى ئاراسه‌ى پارتى‌و یه‌كێتیى ده‌كرێت

ناوەندی هەواڵ

ژماره‌یه‌ك كه‌سایه‌تى‌و چالاكوان‌و ڕۆژنامه‌نوس ڕاگه‌یه‌نراوێك له‌باره‌ى دۆخى ئێستاى هه‌رێمى كوردستانه‌وه‌ بڵاوده‌كه‌نه‌وه‌و په‌یامێكیش ئاراسته‌ى سه‌ركردایه‌تى پارتى‌و یه‌كێتیى ده‌كه‌ن‌و ده‌ڵێن:"ئەم ترس‌و تۆقاندنە ڕابگرن".

له‌ڕێگه‌ى ڕاگه‌یه‌نراوێكه‌وه‌، ژماره‌یه‌ك ڕۆژنامه‌نوس‌و نوسه‌رو چالاكوان‌و كه‌سایه‌تى دیارى كوردستان باسیان له‌وه‌كردوه‌، "ڕوداوی هۆتێل لالەزارو هێنانی تانك‌و زریپۆش‌و چەكی قورس بۆ ناوشار بۆ یەكلاكردنەوەی كێشەی سیاسی نێوان دوو هێزو، ڕوداوگەلی پێشتر پێماندەڵێن؛ لەم وڵاتە هێشتا چەك سەرداری گشتەو ئاوەزو بیركردنەوەی ئاوەزیانە بۆ چارەسەری كێشە بونی نییە".

ده‌ڵێن:"بەسەربازگەكردنی شار، شكۆ شكاندنی دەسەڵاتی دادوەریی‌و دادگا لەدۆسیەی شێروان شێروانیەوە تا داننان بەدەستوەردانی سیاسیی، هەوڵدان بۆ قڕو قەپ پێكردنی دەنگانی ناڕازیی، بێبایەخكردنی ئازادی، هەموو ئەمانە پێمان دەڵێن كوردستان بەرەو تونێلێكی تاریك دەبرێت".

ئه‌وه‌ش هاتوه‌، "لەم كوردستانە ساڵانی هەشتا، یەك زانكۆ هەبوو، هەمیشە دەنگی ناڕەزایەتی بەرزو بەعس زیڕەی كردبوو لەدەستی، بۆیە دەیگواستەوەو بەردەوام سەركوتی دەكرد، ئێستا دەیان زانكۆی حكومی‌و ئەهلی هەیە، دەسەڵات نوزەی لێبڕیون، بەئاستەم دەنگی نەخێر نابیستی، كەواتە ئەمە هەنگاونانە بەرەو ستەمكاری ڕەهاو پێچەوانەی ئەو پەیام‌و پەیڕەوو سیاسەتەی دەسەڵات خۆشیەتی".

له‌باره‌ى ژیانى خه‌ڵكیشه‌وه‌ ڕاگه‌یه‌نراوه‌كه‌ نوسیویه‌تى، "خەڵك بێ موچە دەكرێت، بێ ژیان دەكرێت، بێهەڵوێست دەكرێت، ناچاردەكرێت پەنا بەرێتەبەر ئەو بەغدایەی بەدرێژایی حوكمڕانی ستەمی لێكردوە، لەملاشەوە هەڕەشەو تۆقاندن بەردەوامە، پێویستە هەردوو حزبی دەسەڵات، لەخۆیان بپرسن چی تر ماوە بیكەن، هەر بەڕاست ئەوان ئەو هەموو ساڵە بۆ ئەم حوكمڕانییە بەناو خۆماڵیە تێكۆشاون؟".

له‌به‌شێكى دیكه‌ى ڕاگه‌یه‌نراوه‌كه‌دا ئاماژه‌ به‌وه‌شكراوه‌، "ناكرێت هیچ ناكۆكیەك لەناو جەرگەی شاردا بەچەك یەكلایبكرێتەوە، شار مانانی جیاوازیی‌و پێكەوەژیان، شار شاری یەكلایەن‌و یەك گروپ‌و یەك حزب‌و یەك بنەماڵە نییە، شار موڵكی هەموو هاوڵاتیەكانیەتی".

جه‌ختده‌كه‌نه‌وه‌، "ناكرێت دۆسیەی یاسایی بەبڕیاری حزبی‌و هێزی چەكدار یەكلایی بكرێتەوە، ناكرێت بێ‌ هیچ پاساوێك كەناڵی میدیایی دابخرێت، ناكرێت ئەو چەك‌و چۆڵەی هاوپەیمانان بۆ شەڕی داعش داویانە بەیەكێتیی‌و پارتی‌و حكومەت، لەشەڕی خۆ بەخۆدا بەكاربهێنرێت، لەبەرئەوەی پەیوەندیی كۆمەڵایەتی‌و سیاسی دەشێوێت‌و متمانەی هەمولایەك لەدەستدەدرێت".

ناوەكان:
-شوان محەمەد   ڕۆژنامەنووس
ـ عەزیز ڕەوف  نوسەر مامۆستای زانكۆ
ـ عەبدولڕەزاق شەریف  سیاسی نوسەر
- ئاسۆس هەردی  ڕۆژنامەنووس
- سان سارڤان  میدیا كاری ژینگەی
- لەتیف فاتیح فەرەج   نوسەر
- ڕزگار مستەفا  نوسەر  پێشمەرگەی شاخ
- كەمال ڕەئوف  ڕۆژنامەوان
- دڵشاد ئەنوەر ڕۆژنامەنووس
- دكتۆر جەعفەر عەلی  مامۆستای زانكۆ
- هاوكار عیزەت ڕۆژنامەنووس
- تاگۆر زەردەشت  نوسەر
ـ هیوا سەید سەلیم   نوسەر
- زۆزك سابیر ڕۆژنامەنووس
-هەندرێن شێخ ڕاغب  رۆژنامەنووس
- گەلاڤێز هەمزی  چالاكوان
- كاروان سابیر رۆژنامەنووس
- كاوە نادر نوسەر
- مەریوان زەنددی چالاكوان
- عوسمان زیندانی  چالاكی كرێكاری
- نەهرۆ عاڵای  رۆژنامەنووس
- كارزان فازیل پارێزەر
- ئارام جەمال نوسەرو چالاكی مەدەنی
- شۆڕش ئەمین نوسەر و چالاکوان
- خەبات عەبدوڵا نوسەر
- لەتیف شێخ مستەفا دادوەر
- پەروا عەلی چالاكی سیاسی نوسەر
- د كامیل عومەر مامۆستای زانكۆ
- د شێركۆ محەمەد ئەمین مامۆستای زانكۆ
- نامۆ مەجید نوسەر
- پەیمان عەزەدین نوسەر، پارێزەر 
- گەشە حەفید مافناس
ـ ئەڤین نەسرین.. میدیاکار
- بڕوا ڕەسول ئەحمەد مامۆستای زانکۆ
- عەباس قادر عەبدوڵا.. مافناس
-بارزان شەلال مامۆستا و شاعیر
- شادمان ئەحمەد- پارێزەر
- نەیبل موسا.. چالاکوانی ژینگەیی
ئەبو بەکر هەڵەدنی پارلەمانتاری پێشوو
سەلاح ڕەشید نوسەر