کاندیدێکی نەوەی نوێ بۆ هەڵبژاردنی ئەنجومەنی پارێزگاکان بەشێوەیەکی سەیر لەناو بازاڕ و شوێنە گشتییەکان دەردەکەوێت و هەڵسوکەوتەکانی بوونەتە جێگەی گاڵتەجاڕیی هاوڵاتییان.
هیمداد شاهین، یەکێکە لە کاندیدەکانی نەوەی نوێ بۆ ئەنجومەنی پارێزگای کەرکوک، چەند رۆژێکە دەستی بە بانگەشە کردووە و کۆڵانە و کۆڵان بەدوای دەنگدا دەگەڕێت.
لە یەکێک لە وێنەکاندا، کاندیدەکە دەردەکەوێت کە سەری کەسێک ماچ دەکات، بەکارهێنەرێکی تۆڕە کۆمەڵایەتییەکان بۆی نووسیوە “لێسانەوەی سەر لەپێناو دەنگداندا”.
هەڵسوکەوتە سەیر و سەمەرەکانی ئەو کاندیدەی نەوەی نوێ زۆرن، لە شوێنێکی دیکە، لەگەڵ کەسێکی بەڕەگەز عەرەب دەرکەوتووە، چەندین جار دەکێشێت بەسەر سنگی کەسەکەدا و قسەیەکی بۆ دەکات، بەڵام بەهۆی ئەوەی میوزیک خراوەتە سەر ڤیدیۆکە دیار نییە قسەکەی چییە.
ئەو هەڵسوکەوتەی هیمداد شاهین، بەکارهێنەرانی تۆڕە کۆمەڵایەتییەکانی هێناوەتە سەر خەت، هەندێکیان بە گاڵتەجاڕییەوە باس لەوە دەکەن “نەوەی نوێ لەپێناو دەنگداندا ئامادەیە هەموو کارێکی نەشیاو بکات”.
