بەغدا بڕە پارەیەکى دیکەى نارد لیستی مووچە ڕادەگەیەنرێت

ناوەندی هەواڵ

سەرچاوەیەک لە وەزارەتى دارایى و ئابورى هەرێم رایگەیاند، بڕی270 ملیار دیناری دیكە گەیشتە سەر هەژماری بانكی هەرێم لە قى بانکى هەولێر و بڕیارە رۆژی یەكشەممە لیستی مووچە رابگەیەندرێت.

ئەمڕۆ پێنجشەممە 29-8-2024، میدیاى گۆڕان لە سەرچاوەیەکى بانکى ناوەندى عێراق لقى هەولێر بڵاویکردەوە، نوسراوى خەرجکردنى 270 ملیار دینارى دیکەى دەستە و وەزارەتەکان گەیشتوەتە بانکەکەیان و کۆى پارەى گەیشتو تا ئێستا بۆ موچە گەیشتوەتە 819 ملیار دینار.

دەشڵێت، ئەو پارەیەى هاتوە نازانرێت بۆ کام مانگ و چ بەشێک مووچەخۆران و فەرمانبەرانە و پەیوەندیی بە 36 ملیار دینارەکەى مانگى حەوتەوە نییە.

لە زانیارییەکاندا هاتووە، سەرەتاى هەفتەى داهاتوو لەلایەن وەزارەتى دارایى هەرێمەوە لیستى مووچە رادەگەیەنرێت و دەست بەدابەشکردنى مووچە دەکرێت.

نزیکەى دوو مانگ بەسەر دابەشکردنى مووچەى مانگى شەش تێدەپەڕێت، بەهۆى دواکەوتنى مووچەش بەشێکى زۆر لە فەرمانگە حکومییەکان دەستیان بە بایکۆتکردنى دەوام کردووە.