ناوی ئەو بانکانە بڵاوکرایەوە کە مووچەی مووچەخۆرانی لێ بە بانکی دەکرێت

ناوەندی هەواڵ

ئەندامێکی لیژنەی دارایی لەپەرلەمانی عێراق ژمارە و ناوی ئەو بانکە مۆڵەتپێدراوانەی لە هەرێم بڵاوکردەوە کە مووچەی مووچەخۆرانی لێ بەبانكی دەكرێت، بەپێی نوسراوەکە  لەکۆی حەوت بانکی حکومەتی عێراق یەک بانکیان کە بانکی بازرگانی عێراقە لقی لە شارەکانی هەولێر، سلێمانی و دهۆک هەیە.

نەرمین مەعروف، ئەندامی لیژنەی دارایی لە پەرلەمای عێراق ڕایگەیاند: لە وەڵامی نووسراوێکی دادگای باڵای فیدڕاڵی عێراق کە پەیوەستە بە پرسی بەبانکیکردنی مووچەی فەرمانبەرانی هەرێم، بانکی ناوەندیی عێراق لیستی ناوی ئەو بانکانەی ناردووە بۆ دادگای فیدڕاڵی کە مۆڵەتپێدراون و لە هەرێمی کوردستان لقیان هەیە و کاردەکەن.

دەشڵێت، بەپێی نووسراوەکە لە کۆی 66 بانکی مۆڵەتپێدراو 39 بانکیان لقیان لە شارەکانی هەرێم هەیە، لەو ژمارەیەش 34 بانک لقیان لە هەولێر، 18 لق لە سلێمانی و 11 بانکی دیکەشیان لقیان لە دهۆک هەیە.

 بەوتەی ئەندامەکەی لیژنەی دارایی،بەپێی زانیارییەکانی ناو لیستی بانکەکان لەکۆی حەوت بانکی حکومەتی عێراق  یەک بانکیان کە بانکی بازرگانی عێراقە لقی لە شارەکانی هەولێر، سلێمانی و دهۆک هەیە