عێراق هێزەکانی دەخاتە حاڵەتی ئامادەباشییەوە

ناوەندی هەواڵ

وەک ئامادەکارییەک بۆ روبەروبوونەوەى هەر پێشهاتێکى لەناکاو لە ئێستادا سوپاى عێراق خراوەتە حاڵەتى ئامادەباشییەوە.

تا دێت هێرشەکانى ئیسرائیل بۆسەر لوبنان  چڕدەبێتەوە، کوشتنى حەسەن نەسروڵا، ئەمیندارى گشتى حیزبوڵاى لوبنان و چەند سەرکردەیەکى ئەو حیزبە لەلایەن ئیسرائیلەوە هۆکارى سەرەکین بۆئەوەى سەرجەم هێزە ئەمنى و سەربازییەکان بخرێنە حاڵەتى ئامادەباشییەوە.

بەگوێرەى راگەیەندراوێکى وەزارەتى بەرگریى عێراق، له‌ كۆبونه‌وه‌كه‌دا یاریده‌ده‌ری سه‌رۆكی ئه‌ركانی سوپای ئه‌مریكا بۆ ئۆپه‌راسیۆنه‌كان، له‌گه‌ڵ فه‌رمانده‌كانی (وشكانی، ئاسمانی، فڕۆكه‌وانی سووپا، به‌رگری ئاسمانی) و به‌ڕێوه‌به‌ری پلاندانان ئاماده‌ بوون، بڕیارى خستنە حاڵەتى ئامادەباشیی سوپاى عێراق دراوە.

لە راگەیەندراوەکەدا هاتووە، لەو کۆبونەوەیەدا تاوتوێى تواناى دامودەزگاکان لە دابینکردنى ئارامى و ئاسایش بۆ وڵات و رووبەرووبوونەوەى هەر ئەگەر و پێشهاتێکى لەناکاو کراوە.