لەڕێگەی زیاتر لە 100 مووشەکەوە هێرش کرایە سەر ئیسرائیل

ناوەندی هەواڵ

میدیا جیهانییەکان بڵاویان کردەوە، ئێران لەڕێگەی زیاتر لە 100 مووشەکەوە هێرشی کردە سەر ئیسرائیل. وەزیری گواستنەوەی عێراقیش دەڵێت، لە ئێستادا ئاسمانی عێراق بە ڕووی سەرجەم گەشتە ئاسامانییەکاندا داخراوە.

میدیا جیهانییەکان بڵاویان کردەوە، 102 مووشەک لە ئێرانەوە ئاڕاستەی ئیسرائیل کراوە، سوپای پاسدارانی ئێرانیش ڕایگەیاند، لە وەڵامی کوژرانی هەریەکە لە ئیسماعیل هەنیەی سەرۆکی پێشووی مەکتەبی سیاسیی حەمماس و حەسەن نەسروڵڵا سەرۆکی پێشووی حزبوڵڵا، ئەو هێرشەیان ئەنجام داوە.

ئاماژە بەوەش کراوە، بەهۆی هێرشەکەوە زەنگی ئاگادارکردنەوە لە سەرتاسەری وڵاتەکەدا لێدراوە.

باس لەوەش کراوە، تا ئێستا بە فەرمی ژمارەی گیانلەدەستدان و بریندار بوون بەهۆی هێرشەکەوە بڵاو نەکراوەتەوە،هاوکات، جگە لە عێراق، لە ئێستادا ئاسمانی هەریەکە لە وڵاتانی ئوردن و لوبنانیش بە ڕووی سەرجەم گەشتە ئاسمانییەکاندا داخراون.