ترەمپ مشتومڕ لەسەر خواستە فراوانخوازەکانی لە پاناما، گرینلاند و کەنەدا دروست دەکات

دۆناڵد ترەمپ، سەرۆکی هەڵبژێردراوی ئەمەریکا لە چەند هەفتەی ڕابردوودا، پێش دەستپێکردنی دووەم خولی سەرۆکایەتیی، تیمەکەی جەختی لەوە کردەوە کە "ووتەکانی ئەم دوایانەی بەشێکن لە پلانێکی بەرفراوانتر''.
ترەمپ ئارەزووی خۆی دەربڕیوە بۆ لکاندنی گرینلاند و کۆنترۆڵکردنەوەی کەناڵی پاناما و پێشنیاری کردووە،  کەنەدا بکرێتە پەنجا و یەکەمین ویلایەتی ئەمەریکا.   
ڕۆژنامەی واشنتن پۆست لە زاری تیمەکەی ترەمپەوە بڵاوی کردووەتەوە ؛کە لێدوانەکانی ئەم دواییەی سەبارەت بە سیاسەتی دەرەوەی بەشێکە لە ستراتیژێکی بەرفراوانتر".

کەمتر لە مانگێک پێش دەستبەکاربوونی، ترەمپ بەڵێنی داوە کۆتایی بە شەڕەکانی جیهان بهێنێت و ئاشتی لە ڕێگەی هێزەوە بگەڕێنێتەوە سیاسەتی دەرەوەی "یەکەمجار ئەمریکا" داڕشتووە ،کە دوژمنایەتی هاوپەیمانان و نەیارەکانی ئەمەریکا دەکات و جەخت لە سەر خەونی فراوانبوونی ناوچەکە دەکاتەوە. 

بۆ هەر سەرۆکێکی مۆدێرن، بەتایبەتی ئەو سەرۆکەی کە لەسەر بنەمای کۆتاییهێنان بە جەنگ هەڵمەتی کردووە، نەک دەستپێکردنیان، هەڕەشەی پێشێلکردنی سەروەری هاوپەیمانان زۆر نائاساییە. 

بەڵام سیاسەتی دەرەوەی ئەمەریکا لە ماوەی یەکەمی سەرۆکایەتی ترەمپدا بە لادانێکی بەردەوام لە رێککەوتنە دیپلۆماسییەکان و پابەندییە نێودەوڵەتییەکان ناسرابوو ، بە لێواری سیاسی و ئابووری پێشبینی نەکراو پێناسە دەکرا کە هەندێک جار دوژمنایەتی هاوبەش و دوژمنانی تەقلیدی لە سەرانسەری جیهاندا دەکات. 

بەڵام تیمەکەی ترەمپ جەخت لەوە دەکەنەوە کە لێدوانەکانی ئەم دواییەیان بەشێکە لە ستراتیژێکی بەرفراوانتر

ئانا کێلی، وتەبێژی تیمی راگەیاندنی  ترەمپ دەڵێت: " کاتێک سەرۆک ترەمپ بە فەرمی دەستبەکار دەبێت سەرکردەکانی جیهان دەچنەوە سەر مێزی گفتوگۆ، چونکە بەڵێنەکەی جێبەجێ دەکات بۆ بەهێزکردنی ئەمریکا ، ، وڵاتانی بیانی  پێویستە دووجار بیر بکەنەوە بەرلەوەی بەرلەوەی بیر لەپارچە پارچە کردنی ووڵاتەکەمان بکەنەوە، ئەمریکا دووبارە ڕێزی لێدەگیرێت، هەموو جیهان سەلامەتتر دەبێت ''