بەرهەمهێنانى نەوتى وڵاتانى ئۆپیك پڵەس زیاد دەكات

ئەمڕۆ یەكشەممە وڵاتانى ئەندام لە رێكخراوى ئۆپیك پڵەس لە بڵاوكراوەیەك دا ئاماژەیان بەوەدا كە لە روى بەرهەمهێنانى نەوتەوە  رۆژانە 411 هەزار بەرمیل زیاد دەكەن و زیادكردنەكەش قۆناغ بە قۆناغ دەبێت.

بڵاوكراوەكەى وڵاتانى ئەندام لە ئۆپیك پڵەس لە كاتێكدایە كە لە دوایین كۆبونەوەى رێكخراوەكەدا لەسەر ئەوە رێككەوتبون بڕیارى زیادكردنەكە لە رۆژى یەكى حوزەیرانى ئەمساڵەوە بخرێتە بوارى جێبەجێكردنەوە.

هه‌ریه‌ك له‌ وڵاتانی كازاخستان، كوێت، روسیا، عێراق، جەزائیر، ئیمارات، و سوڵتاننشینى عومان لەو بڕیارەدا یەكهەڵوێست بون و بەمەش ئەمریكا خۆشحاڵى خۆى دەربڕى لەپێناو گەیاندنى نەوتى زیاتر بە وڵاتانى ئەوروپاو پڕكردنەوەى ئەو رێژە كەمەى كە پێشتر لەلایەن ئەو وڵاتانەى ئۆپیك پڵەسەوە بڕیاریان لەسەردابو. 

 وڵاتانى ئەندام لەو رێكخراوەدا ئاماژەیان بەوەشداوە؛ به‌پێی دوايین گۆڕانكارییه‌كانی بازاڕ له‌ داهاتودا، بڕیاری كه‌مكردنه‌وه‌ یان زیادكردنی به‌رهه‌مهێنان ده‌ده‌ن

.