کۆمەڵی دادگەری: مووچەی فەرمانبەران قوتی خەڵکە ناکرێ بکرێتە کەرەستەی بانگەشەی هەڵبژاردن

ئەنجوومەنی باڵای کۆمەڵی دادگەریی کوردستان راگەیاندراوێکی لە بارەى نووسراوەکەی وەزارەتی دارایی عێراق بڵاوکردەوە و دەڵێت، مووچەی فەرمانبەران قوتی خەڵکە ناکرێ بکرێتە کەرەستەی بانگەشەی هەڵبژاردن و قوربانیی ناکۆکییە سیاسییەکان.

کۆمەڵى دادگەرى کوردستان لە راگەیەندراوێکدا لەبارەی نەناردنی موچەی مانگی پێنجی موچەخۆرانی هەرێمەوە رایگەیاند،  ئۆباڵی کێشەکە بە پلەی یەکەم دەکەوێتە ئەستۆی بەرپرسانی حکومەتی کاربەڕێکەری هەرێم، بێگومان حکومەتی فیدراڵیش بەشێکی تاوانەکەی دەکەوێتە ئەستۆ.

 لە راگەیەندراوەکەدا هاتووە، دەخوازین بەرپرسانی بەغداد موچە وەک فشاری سیاسی بەکارنەهێنن بۆ دەستشکانەوەی بەرپرسانی هەرێم، لە بەرەجەژنان و ڕۆژە پیرۆزەکانی نۆمینەی حاجییان دەبوو هاووڵاتیان دڵخۆش بکرێن تا بە خۆشحاڵییەوە بەرەو جەژن بڕۆن