پەیوەندى عێراق و ئێران لە بوارى وزەدا دەچێتە قۆناغێكى نوێوە

باڵیۆزى عێراق لە تاران لە لێدوانێكى دا بۆ كەناڵەكانى راگەیاندن ئاشكرایكرد؛ ژمارەیەك گرێبەستى گەورە لە بوارى وزەدا بۆ لایەنى ئێرانى پێشنیاركراون كە مەبەست لێیان وەبەرهێنانە لەبوارى وزە و نوێبونەوەى ئەو كەرتە.

ناسر عەبدولحوسێن، لە درێژەى لێدوانەكەیدا رایگەیاند، ئەو گرێبەستانەی پێشكەش بە كۆمپانیاكانی ئێران كراون، بەهای 70 ملیار دۆلارى ئەمریكى هەیە و  لەمەودوا ئاسانكاریی زیاتر بۆ كۆمپانیا ئێرانییەكان لە عێراق دەكرێت.

لەلایەكى ترەوە، ئەمریكا چەندینجار بە فەرمی لایەنى عێراقیی ئاگاداركردۆتەوە كە پەیوەندى ئابوری لەگەڵ ئێران كۆتایى پێبهێنن، ئەگەرنا سزاى دارایى دەدرێن.

هەر پەیوەست بە سزاكانى ئەمریكاوە، دوێنێ وەزارەتی كارەبای عێراق لە رونكردنەوەیەك دا ئەوەى خستەڕو؛ كە بەهۆی كۆتاییهێنان بەكڕینی غازی ئێرانی؛ 500 مێگاوات كارەبایان لەدەستداوە.