سێنتکۆم: هێرشێکی گەورەمان کردەسەر دورگەی خارک

زیاتر لە 90 ئامانجی سەربازییمان پێکاوە

ناوەندی هەواڵ

فەرماندەیی ناوەندی ویلایەتە یەکگرتووەکانی ئەمریکا ئەمڕۆ شەممە ڕایگەیاندووە، کە هێزەکانی ئەمریکا شەوی ڕابردوو هێرشێکی وردیان کردووەتە سەر دوورگەی خارگی ئێران و زیاتر لە 90 ئامانجی سەربازییان پێکاوە.

بەگوێرەی راگەیەندراوی فەرماندەیی ناوەندیی ئەمریکا "سێنتکۆم" زیاتر لە 90 ئامانجی سەربازییان پێکاوە کە کۆگاکانی مینە دەریاییەکان و حەشارگەکانی هەڵگرتنی موشەک و چەندین پێگەی سەربازی دیکەی وێرانکردووە. 

فەرماندەییەکە جەختی لەوەش کردووەتەوە کە ئەو هێرشانە تەنها ئامانجە سەربازییەکانی گرتووەتەوە بەبێ ئەوەی زیان بە ژێرخانی نەوتی و دامەزراوە وزەییەکانی ناو دوورگەکە بگەیەنێت.

 پیشتریش  دوناڵد ترەمپ لە تویتێکدا ڕایگەیاند، کە بە ئەنقەست دەستی بۆ ژێرخانی نەوتی نەبردووە بۆ ئەوەی دەرفەتێک بە دیپلۆماسی یان کەمکردنەوەی ئاڵۆزییەکان بدات، بەڵام هەڕەشەی کردبوو ئەگەر گەرووی هورمز دابخرێت، بڕیارەکەی دەگۆڕێت.