2 کاتژمێر پێش ئێستا
74 جار خوێنراوەتەوە
هاوپهیمانییهكى عێراقى – سوورى به ههوڵى ئهمریكا
لهمیانى سهردانى زهیدى بۆ واشنتۆن ڕێككهوتنهكه ئیمزا دهكهن
سهرچاوه ئاگادارهكان ئاشكرایانكردووه، بهغداد و دیمهشق ئامادهن بۆ ئیمزاكردنى رێككهوتنێك بۆ پهیوهست بوونى ئابووری به پاڵپشتى و چاودێرى ئهمریكا.
ئیمزاكردنى ئهم ڕێككهوتنه له پهراوێزى سهردانى عهلى زهیدى سهرۆكوهزیرانى عێراق دهبێت بۆ واشنتۆن كه بڕیاره ناوهڕاستى ئهم مانگه ئهنجام بدرێت،ئهمهش دهبێته هاوپهیمانییهكى نوێ له ڕۆژههڵاتى وڵاتانى عهرهبى كه بهرهى دژایهتى ئهمریكا له ناوچهكه جێدههێڵن.
سهرچاوهیهكى سووری به شهرقولئهوسهتی ڕاگهیاندووه، ئهسعهد شهیبانى وهزیرى دهرهوهى سووریا ناوهڕاستى ئهم مانگه سهردانى واشنتۆن دهكات، چاوهڕوان دهكرێت له واشنتۆن لهگهڵ عهلى زهیدى و بهرپرسانى عێراق كۆبوونهوه بكات.
بهوتهى سهرچاوهكه، تۆم باراك نێردهى تایبهتى سهرۆكى ئهمریكا بۆ كاروبارى سووریا و عێراق، چاودێرى ڕێككهوتنهكهى نێوان دیمهشق و بهغداد دهكات، چاوهڕوانیش دهكرێت دواتر دهوڵهتى ترى عهرهبى پهیوهندى به ڕێككهوتنهكهوه بكات.
بهوتهى ڕاوێژكارێكى پێشووى حكومهتى عێراق، تیمهكهى عهلى زهیدى سهرۆكوهزیرانى عێراق، ئامادهكارى بۆ ئیمزاكردنى رێككهوتنێكى ئابوورى ههرێمى دهكهن، كه سووریاش دهگرێتهوه.
سهردانهكهى عهلى زهیدى سهرۆكوهزیرانى عێراق بۆ ئهمریكا، وهكو وێستگهیهكى ڕاگوزهر دهبینرێت بۆ دووباره ڕێكخستنهوهى عێراق له ڕیزى وڵاتانى ههرێمهكه، وهك چۆن سهردانى ئهحمهد شهرع سهرۆكى سووریا بۆ ئهمریكا له تشرینى دووهمى 2025 بووه خاڵێكى گۆڕانكارى له سووریا و نزیكبوونهوهى دیمهشق له بهرهى ڕۆژئاوا و واشنتۆن.
ئهو راپۆرتهى شهرقولئهوسهت لهكاتێكدایه، ئێوارهى ڕۆژى دووشهممه ئیمانوێل ماكرۆن سهرۆكى فهڕهنسا سهردانى دیمهشقى پایتهختى سووریاى كرد و له مزگهوتى ئهمهوى لهگهڵ ئهحمهد شهرع سهرۆكى سووریا كۆبوهوه، ئهمهش یهكهم سهردانى سهرۆكێكى فهڕهنسا بوو دواى 17 ساڵ بۆ ئهو وڵاته.
نازانرێت ئهم سهردانهى سهرۆكى فهڕهنسا كه پێدهچێت چاوى به مهزڵوم عهبدى فهرماندهى ههسهدهش كهوتبێت، پهیوهندى به رێككهوتنهكهى عێراق و سووریاوه ههیه یان نا، بهڵام كۆشكى ئیلیزێ جهختیكردووهتهوه "سهردانى سهرۆكى فهڕهنسا بۆ سووریا پێدانى پهڕهى سپى نییه به دهسهڵاتدارانى نوێى سووریا".
بهوتهى كۆشكى ئیلیزێ، ئهوهى ئیمانوێل ماكرۆن له دیمهشق تهئكیدى لێكردووهتهوه "پابهندبوونى درێژمهودایه بهرامبهر سووریایهكى ئازاد و فرهییى، كه ڕێز له سهرجهم پێكهاتهكان بگرێت، كه ببێته هاوبهشى یهكێتى ئهوروپا و بهتایبهتیش فهڕهنسا".
-
قەرەیلان قسەی کۆتایی دەکات؛ تا ئۆجەلان بە جەستەیی ئازاد نەبێت، هیچ گەریلایەک چەک دانانێت
|
-
"ماری ڕەش" قسەی کۆتایی دەکات؛ تا ئۆجەلان بە جەستەیی ئازاد نەبێت، هیچ گەریلایەک چەک دانانێت
|
-
قەرەیلان قسەی کۆتایی دەکات؛ تا ئۆجەلان بە جەستەیی ئازاد نەبێت، هیچ گەریلایەک چەک دانانێت
|
-
هاوپهیمانییهكى عێراقى – سوورى به ههوڵى ئهمریكا
|
-
ماكرۆن لە دیمەشقە و ڕەنگە چاوی بە عەبدی بكەوێت؛ یەكەم سەردانی سەرۆكێكی ڕۆژئاوا دوای هەڵاتنی ئەسەد
|
-
کەرتی تەندروستی لە بازرگانییەکی بێبەزەییدا؛ 96٪ی هاووڵاتیانی هەرێم دەرمان لە نەخۆشخانە ئەهلییەکان دەکڕن
|
-
جەلادەکەی نوگرە سەلمان لە بەردەم سێدارەدا؛ عەجاج تکریتی ناوی ئەفسەرانی تری ئەنفالی ئاشکرا کرد
|
-
ترسى تێوهگلان له گهندهڵى؛ ناوچهى سهوز چۆڵ دهكات
|
-
ئاڵۆزییەکانی تورکیا و ئیسرائیل؛یادەوەری تێپەڕاندووە و گەیشتووەتە دەریا و غەززە
|
|
|
|