سەرۆکوەزیرانی عێراق گەیشتە تاران

ناوەندی هەواڵ

بەرەبەیانی ئەمرۆ چوارشەممە، محەمەد شیاع سودانى، سەرۆک وزیرانى عێراق بە سەردانێک گەیشتە تاران و چاوی بە بەرپرسانى باڵای ئەو وڵاتە دەکەوێت، بڕیارە گفتوگۆ بکات لەبارەی  پێشهات و گۆڕانگارییەکانى ئەمدواییەى ناوچەکە و پەیوەندییەکانى بەغداد و تاران.

فادی شەمەری، ڕاوێژکاری سیاسی سودانی، کە هاوکات ئەندامى شاندی سەردانەکەیە، بە ڕۆژنامەى سەباحی وتووە، سەردانەکە هەلێکی ناوازەیە بۆ ئەوەی  عێراق وەک پردی پەیوەندی و لێکتێگەیشتنە ئیقلیمى و نێودەوڵەتییەکان بخرێتەوە سەر شانۆی سیاسی.

پێشتریش، ئاژانسی ئەنادۆڵوی تورکی لەبارەی سەردانەکەوە بڵاویکردەوە، دۆناڵد ترەمپ، سەرۆکی هەڵبژێردراوی ئەمریکا پەیامێکی بۆ محەمەد شیاع سودانی، سەرۆک وەزیرانی عێراق ناردووە و داوایکردووە سنوورێک بۆ هەژموونی گرووپەکانی نزیک لە ئێران لە وڵاتەکەی دابنێت.