ده‌یانى لێكوشتوون؛ ئیسرائیل له‌ ناوه‌ڕاستى سوریا گروپه‌كانى نزیك له‌ ئێران ده‌كاته‌ ئامانج

ناوەندی هەواڵ

ئیسرائیل له‌ناوه‌ڕاستى سوریا گروپه‌ چه‌كداره‌ عێراقى و سورییه‌كانى نزیك له‌ ئێرانى كرده‌ئامانج و تائێستا 71 كه‌س كوژراون، ئه‌ویش به‌پێى داتاى ڕوانگه‌ى سوریا بۆ مافه‌كانى مرۆڤ.

بۆردومانه‌كانى ئیسرائیل بۆسه‌ر شارى ته‌دمور دره‌نگانى شه‌وى چوارشه‌ممه‌ بووه‌ و سێ بنكه‌ى گروپه‌كانى نزیك له‌ ئێرانى له‌ ته‌دمور كردووه‌ته‌ ئامانج كه‌ ده‌كه‌وێته‌ رۆژهه‌ڵاتى حومسه‌وه‌.

هێرشه‌كه‌ هه‌ریه‌ك له‌ گروپه‌كانى نوجه‌باى عێراقى و حزبوڵڵاى عێراق و گروپێكى چه‌كدارى نزیك له‌ ئێرانى له‌ سوریا گرتووه‌ته‌وه‌.

به‌وته‌ى ڕوانگه‌ى سوریا بۆ مافه‌كانى مرۆڤ جگه‌ له‌ كوژرانى ئه‌و 71 كه‌سه‌ ده‌یان كه‌سى دیكه‌ش برینداربوون، كه‌ 45 یان سورى و ئه‌وانى دیكه‌ عێراقى و لوبنانى و هه‌ڵگرى ناسنامه‌ى شوێنى دیكه‌ن.

وه‌ك ڕوانگه‌ى سوریا ئاماژه‌ى پێداوه‌، ئه‌مه‌ به‌هێزترین هێرشى ئیسرائیله‌ بۆسه‌ر سوریا له‌وه‌تى جه‌نگى غه‌ززه‌ و دواتر لوبنان فراوان بوون.