دواین گۆڕانكارییەكانی شەڕی سوریا

ناوەندی هەواڵ

هێرشی گروپە چەكدارەكانی ئۆپۆزسیۆنی سوریا كە نزیكن لە توركیا لە چەند بەرەیەكەوە بۆ سەر سوپای سوریا بەردەوامە.
لە حەلەب تائێستا 75% ی پارێزگاكەیان كۆنترۆڵكردووە، لە دەوروبەری شارەكەش چەندین گوند و شارۆچكەیان دەستبەسەردا گرتووە و لە دەوروبەری ئیدلب و حەماش بەردەوامن لە پێشڕەویكردن.
بەوتەی ڕوانگەی سوریا بۆ مافەكانی مرۆڤ، هێزەكانی ئۆپۆزسیۆنی سوریا 14 ناوچە و شارۆچكەی دەوروبەری پارێزگای حەمایان كۆنترۆڵكردووەو تەنها 15 كیلۆمەتر لە ناوەندی پارێزگاكەوە دوورن.
لەلایەكی دیكەوە هەر بەوتەی ڕوانگەی سوریا، هێزەكانی سوریای دیموكرات لە بەشی مەدەنی فڕۆكەخانەی حەلەب كشاونەتەوە و ئەو كەسانەی هانایان بۆ فڕۆكەخانەكە بردبوو تا بپارێزرێن ڕزگاریان كردوون و لەگەڵ خۆیان بردوویانن بۆ هەردوو گەڕەكی كوردی شارەكە "شێخ مەقسود و ئەشرەفیە".
هاوكات سوپای سوریا ڕەتیدەكاتەوە لە هەموو پارێزگای حەما پاشەكشەی كردبێت، بەڵام دان بەوەشدا دەنێت تەنها لە باكور و ڕۆژئاوای شارەكە ماوە.