مەزڵوم عەبدى: پابەندین بە ڕێککەوتنی 10ی ئازارەوە

مەزڵوم عەبدى، فەرماندەی گشتیی هێزەکانی سوریای دیموکرات (هەسەدە)، لە چاوپێکەوتنێکدا لەگەڵ کەناڵی "ئەلعەرەبیە حەدەس"، سەبارەت بە گفتوگۆكانى هەسەدە و حكومەتى سوریا لەبارەى بارودۆخى رۆژئاوا؛ چەند پرسێكى گرنگى وروژاند، كە لێرەدا ئیرادە پوختەى قسەكانى بڵاودەكاتەوە:

 -داوا دەکەین زمانی کوردی شانبەشانی زمانی عەرەبی، زمانی فەرمی بێت لە ناوچە کوردنشینەکان.

 -بە فەرمی داوامان لە دیمەشق كردوە بۆ گەڕانەوەی دامودەزگاکانی حکومەت، بۆ شارەكانی رەقەو حەسەکەو دێرەزور.

 -بەشێک دەبين لە وەزارەتی بەرگری سوریا، بەڵام یەکخستنی 100 هەزار شەڕڤان لەو وەزارەتە پرۆسەیەكی گەورەیە.

 -دیدارەکەم لەگەڵ ئەحمەد شەرع ئەرێنی بو.

 -دوای سێ کاتژمێر گفتوگۆ توانیمان بگەینە رێککەوتن.

 -بەشداریى لە كۆبونەوەى پاریس دەكەم.

 -لەنێوان ئێمەو دیمەشق كۆدەنگیى لەسەر یەكپارچەیى خاكى سوریا هەیە.

 -لامەرکەزییەت بە واتای جیابونەوە نایەت.

 - پابەندین بە ڕێککەوتنی 10ی ئازارەوە، هەرچەندە جێبەجێکردنی پێویستی بە کاته.

 -دیمەشق ئامادەیە بۆ قبوڵکردنی زمانی کوردی و مافە کەلتورییەکان بە فەرمى.

 -بە پێویستی دەزانین دێرەزور وەک یەک پارێزگای یەکگرتو، هەردو کەنارەکە لەخۆبگرێت.

 -پێشوازی لە هەر رۆڵێکی ئەرێنی سعودیە دەکەین.