سەرۆک کۆماری ئێران: ئێمە لە هەڕەشەکان ناترسین

ناوەندی هەواڵ

سەرۆک کۆماری ئێران رایدەگەیێنیت، لەگەڵ ئەمەریکا درێژە بە دانوستانە ئەتۆمییەکان دەدەن و لە هەڕەشەکانیش ناترسن.

مەسعود پزشکیان سەرۆک کۆماری ئێران ڕایگەیاند، لێدوانەکانی سەرۆکی ئەمەریکا بەتەواوی دژ بەیەکن، هەندێک جار باسی ئاشتی دەکات و هەندێکجاریش باسی شەڕ دەکات، تاران نازانێت باوەڕ بەچی بکات.

ئاماژەی بەوەشکرد، ئێمە دانوستان دەکەین و بەردەوامیش دەبین، بەدوای شەڕدا ناگەڕێین، بەڵام لێی ناترسین، وەک ئەوە نییە کە ئەگەر هەڕەشەمان لێ بکرێت پاشەکشە بکەین لە مافە زەوتنەکراوەکانمان.

هاوکات، دۆناڵد ترەمپ سەرۆکی ئەمریکا ڕایگەیاند، پێی باش نییە پەنا بۆ جوڵەی سەربازی لەگەڵ ئێران ببەن گەیشتن بە ڕێککەوتنێک سەربارەت بە بەرنامەی ئەتۆمی لە بەرژوەندی تاران دەبێت.

ژیری دەستکرد ،ئەگەر رێککەوتنێکی نوێ ئەنجام بدرێت، ئەوا ئێران دەتوانێت ئابوورییەکەی باشتر بکات، ئەگەر دانوستانەکان شکست بهێنن، ئەوا کێشەکە دەکرێت بۆ شەڕێکی سەربازی درێژە بکێشێت.

لە ئێستادا، هەردوو وڵات بە گومانەوە چوونەتە ناو دانوستانەوە، ئەمریکا پشتگیری لە ڕێگای دیپلۆماسی دەکات، بەڵام ئێران پێویستی بە کەمکردنەوەی سزاکان هەیە پێش ئەوەی سازش بکات، لە هەمان کاتدا، پەرەپێدانی بەرنامە ئەتۆمییەکانی ئێران بەردەوامە.

ڕێککەوتنی ئەتۆمی نێوان ئەمریکا و ئێران یەکێکە لە کێشە ئاڵۆزەکانی ڕۆژهەڵاتی ناوەڕاست، لە کاتێکدا ئەمریکا دەیەوێت بەرنامە ئەتۆمی ئێران کۆنتڕۆڵ بکات، ئێرانیش دەیەوێت سزاکانی ئابووری لاببرێن، ئەنجامی ئەم دانوستانانە دەکرێت کاریگەرییەکی گەورەی لەسەر ئاشتی ناوچەکە هەبێت.