ئێران لە دوو مانگدا زۆرترین هاوڵاتی لە سێدارە دەدات

بە پێی راپۆرتە میدیاییەکان لە ئێران،لەمانگی کانونی دووەمی ڕابردوودا ئێران و دەسەڵاتەکەی 86کەسی لەسەرتاسەری ئێران لە سێدارە داوە  .

ئامارەکان دەریدەخەن کە جێبەجێکردنی سزای لەسێدارەدان لەماوەی مانگی یەکی ساڵی 2023 تا مانگی یەکی ساڵی 2024 بەراورد بەم دوومانگەی ساڵی نوێ کەمتر بووە ، بەو پێەش ئێران لە دوومانگی ڕابردوودا بە سەپاندنی سزای لە سێدارەدان لە چاو ساڵی ڕابردوو و هاوکات بەرز کردنەوەی سزاکان پلانێکی شەڕانگێزی دژبە هاوڵاتیان پەیڕەو دەکات لە سەرویانەوە کورد .

بەگوێره‌ى ئاماری سزای لەسێدارەدان لەئێران، لەمانگی یەکی ساڵی 2024، لانیکەم 86 کەس لەو وڵاتە لەسێدارەدراون‌و لەو ماوەیەدا 35 حوکمی بەهەمان سزا دەرچوە، بەڵام لەمانگی یەکی ساڵی رابردوو لانیکەم 63 کەس لەسێدارەدراون‌و 23 سزای لەسێدارەدانیش بۆ تۆمەتباران دەرچوە.

بەگوێره‌ى ڕاپۆرتی ئەو پێگەیە، کۆماری ئیسلامیی ئێران سەرەڕای بانگەوازە نێودەوڵەتییەکان بۆ هەڵوەشاندنەوەی ئەو سزایانە، بەتایبەت بۆ تاوانە سوکەکان، بەردەوامە لەجێبەجێکردنی سزای لەسێدارەدانەکان.

ماڵپەڕەکە ئەوەشیخستوەتەڕوو، حکومەتی ئێران دەرکردن‌و جێبەجێکردنی حوکمی لەسێدارەدان وەک ئامرازێک بۆ سەرکوتکردنی ئۆپۆزسیۆن بەکاردەهێنێت.