هەرەس هینانی کانێکی غەلوز لە فلیپین قوربانی لێدەکەوێتەوە

ناوەندی هەواڵ

ژمارەی قوربانیانی هەرەسهێنانی کانە زێرەکەی فلیپین تا دێت ڕوو لە زیادبوونە، لە نوێترین ئاماردا، ئاماژە بەوەکراوە، ژمارەى ئەو کەسانەى بەهۆى ڕووداوەکەوە گیانیان لەدەستداوە گەشتووەتە ٦٨ کەس و ٥٠ کەسی دیکەش بێ سەر و شوێنن.

شەوی ١١ لەسەر ١٢ـی ئەم مانگە لە گوندێکی پارێزگای داڤۆ دی ئۆرۆی فلیپین بەهۆی بارینی بارانێکی زۆر و زەمین لەرزەوە کانێکی زێر هەرەسی هێنا.

بەرپرسی دەزگای کارەساتی سروشتی لە پارێزگای داڤۆ دی ئۆرۆی فلیپین، بەمجۆرە لەبارەى ڕووداوەکەوە بۆ میدیاکانی ووڵاتەکەی زانیارى خستووەتەڕوو:-

ئاماژەى بەوەکردووە، تا دێت ژمارەی قوربانیانی ڕووداوەکە ڕوو لە زیادبوونە، بەپێى نوێترین ئامار تا ئێستا، ٦٨ کەس گیانیان لەدەستداوە و ٥٠ کەسیش بێ سەروشوێنن.

وتیشى، هیچ هیوایەکمان نیە بۆ ئەو کەسانەی، کە بێ سەروشوێن بوون تا ئێستا لەژیاندا مابن، چونکە بۆنێکی ناخۆشی زۆر بڵاوبووەتەوە لە نزیک شوێنى ڕووداوەکە، کە پێمان وایە دەبێتە هۆى گیان لەدەستدانیان.

بۆ ماوەی دوو ڕۆژە بە بەردەوامی تیمەکانی فریاکەوتنی خێرا بەردەوامن لە گەڕان بەدوای دۆزینەوەی ئەو کەسانەی بێ سەروشوێن بوون و کەوتوونەتە ژێر دار و پەردووى کانە ڕووخاوەکەوە .