نرخى نەوت 2% بەرز بووەوە

ناوەندی هەواڵ

جارێكی دیکە نرخی نەوت لە بازاڕەكانی جیهاندا بەرزبونەوەی تۆمار كرد، هۆكاری ئەو بەرزبونەوەشە دەگەڕێتەوە بۆ كەمبونەوەی نەوتی كۆگاكراوی ئەمریكا.

نرخی نەوت لە بۆرسەى جیهانیی بە ڕێژەی زیاتر لە 2% بەرز بوەوە، بەجۆرێک نرخی یەك بەرمیل نەوتی برێنت یەك دۆلار و 80 سەنت بەرزبوەوە و نرخەكەی گەیشتە 79 دۆلار و 2 سەنت، نرخی یەك بەرمیل نەوتی تەكساسیش، 2.49% بەرز بوەوە و بەرمیلی بە 74 دۆلار و 83 سەنت مامەڵەی پێوەكرا.

بەپێی داتا فەرمیەكان، قەبارەی نەوتی كۆگاكراو لە ئەمریكا 1.2 ملیۆن بەرمیل كەمیكردووە كە ئەو نەوتە پاڵپشتیی بۆ نرخی نەوت دروستكردوە و ئەوەش بە وتەى شارەزایان، بووەتە هۆی بەرزبونەوەی نرخی نەوت.

لێدوانەكانی جیرۆم پاوڵ، سەرۆكی بانكی ناوەندیی ئەمریكاش كە وتى، كاتی هاتوە سوودی بانكی دابەزێنن، كاریگەریی لەسەر هەموو بازاڕەكان و بەرزبونەوەی نرخەكان داناوە، لە ناویاندا نرخی نەوت.