ترەمپ: باج بەسەر ئەو وڵاتانە دەسەپێنم كە مامەڵە بە دۆلار ناكەن

ناوەندی هەواڵ

دۆناڵد ترەمپ کاندیدی کۆمارییەکان بۆ سەرۆکایەتی ئەمریکا ڕایگەیاند، ئەمریکا مامەڵە لەگەڵ ئەو وڵاتانەدا ناکات کە دەستبەرداری دۆلار بوون.

تلیگرامی ئیرادە

ئەمڕۆ دووشەممە 9ی ئەیلولی 2024 دۆناڵد ترەمپ کاندیدی کۆمارییەکان بۆ سەرۆکایەتی ئەمریکا لەکاتی بانگەشەکانیدا لە ویلایەتی ویسکۆنسێنی ئەمریکا وتی، ئەمریکا مامەڵە لەگەڵ ئەو وڵاتانەدا ناکات کە دەستبەرداری دۆلار بوون و بەڕێژەی لە 100%، باجی گومرگی بەسەر ئەو وڵاتانەدا دەسەپێنین کە دەستبەرداری دۆلار بوون.

قسەکانی ترەمپ دوا ئەوە دێت هەریەک لە وڵاتانی (چین، هیندستان، بەڕازیل، ڕووسیا و ئەفریقای باشوور) لە لوتکەی ساڵی ڕابردوودا دەستبەرداربوونیان لە دۆلار تاوتوێ کرد، ئەوەش لە کاتێکدایە کە دۆناڵد ترەمپ سەرۆکی پێشووی ئەمریکا وکاندیدی کۆمارییەکان بۆ سەرۆکایەتی ئەمریکادەیەوێت دۆلار وەک دراوی یەدەکی جیهان بمێنێتەوە.