نوێترین زانیاری لەسەر دابەشکردنی مووچە

ناوەندی هەواڵ

وەزارەتی دارایی بانکەکانی ئاگادارکردووەتەوە، بۆئەوەی ئامادەکاریی بکەن بۆ دابەشکردنی مووچە، سەرچاوەیەک لە وەزارەتی دارایش دەڵێت، راگەیاندنی لیستی مووچە نزیک بووەتەوە.

ئەمڕۆ یەکشەممە، سەرچاوەیەک لە وەزاەتی دارایی حکومەتی ھەرێمی کوردستان ڕایگەیاندووە، بانکەکانی هەرێمی کوردستان ئاگادارکراونەتەوە ئامادەکاریی بۆ دابەشکردنی مووچە بکەن و راگەیاندنی لیستی مووچە نزیک بووەتەوە.

ئاماژەی بەوەشکردووە، لەماوەی چەند ڕۆژی داهاتوودا فەرمانبەرانی هەرێم مووچەی مانگی  حەوت وەردەگرن، دەشڵێت، ئەگەر لەم ھەفتەیەدا پارەی مووچەی مانگی ئاب گەیشت ئەوا ڕاستەوخۆ لەھەفتەی داھاتووە دەست بە دابەشکردنی دەکرێت.

وەزارەتی دارایی عیراق بۆ مووچەی مانگی ئاب، 820 ملیار دیناری بۆ ھەرێمی کوردستان ناردووە، بەڵام بۆ مووچەی مانگی تەمموز تەنھا 36 ملیار دیناری رەوانە کردووە، ئەوەش لە کاتێکدایە کە فەرمانبەرانی هەرێمی کوردستان 60 ڕۆژە مووچەیان وەرنەگرتووە.