پاشماوەی جەنگ گیانی 15 ملیۆن هاوڵاتی سوریا دەخاتە مەترسییەوە

ناوەندی هەواڵ

تەقەمەنی وپاشماوەی جەنگ  لە سوریا بووەتە مەترسی ورێکخراوێکی ئەمریکیش هۆشداری دەدات لەو بارەیەوە ودەلێت گیانی 15 ملیۆن هاوڵاتی  لە مەترسیدایە.

رێکخراوی  هادیکاپ ئینتەر ناشیۆناڵی ئەمریکی   هۆشداری دەدات دەربارەی ئەو پاشماوە جەنگیانەی کە لە ماوەی 14 ساڵی ڕابردودا لە سوریا ماوەتەوە و مەترسی بۆ سەر گیانی 15 ملیۆن هاولاتی دروست کردووە.

بەگوێرەی ڕاگەیەندراوی ڕێکخراوەکە، بەشی زۆری ئەو مین و تەقەمەنیانەی  لەناوچەکانی سوریادا هەن و بوونەتە مەترسی بۆ سەرگیانی هاوڵاتیان  پێشتر لەلایەن چەکدارانی داعشەوە  بڵاو کراوەنەتەوە.

دانێلا زیزی بەرێوبەری پرۆگرامی سوریا لە ڕێکخراوەکە  ڕایگەیاندووە، مەترسی لەسەر یەک لەسەر سێی هاولاتیانی سوریا  هەیە و بەرێژەی 100 بۆ 300 پارچە تەقەمەنی نەتەقیو لەو ولاتەدا هەیە ، کە ژمارەیەکی زۆریان بەرمیلی بۆم رێژکراون لە ناوچە جیاجیاکاندا بڵاوکراونەتەوە.

جەنگی ناوخۆیی لە سوریا لە ساڵی 2011 لەگەڵ سەرهەڵدانی بەهاری عەرەبی تا ڕوخانی ڕژێمەکەی بەشار ئەسەد  لەناوچەکەدا دەستیپێکرد،بەوهۆکارەش ماوەی 14 ساڵە قەیرانی سیاسی و ئەمنی و ئابووری لەو ولاتەدا بەردەوامە ئەوەش بووەتە بارگرانی بۆ هاولاتیانی سوریا.