9 ڕاسپاردەی زانستی بۆ پاراستنی تەندروستی مێشکت

ئیرادە میدیا

مێشکمان بەرپرسیارێتییەکی گەورە لە ئەستۆ دەگرێت کە سەلامەتیمان و پیشەکانمان لەسەر ڕێڕەوی خۆی و ئازیزانمان بەیەکەوە بەستراوەتەوە،جەستەمان تەنانەت لە کاتی خەوتنیشدا بێ وەستان کاردەکات. زۆرجار گرنگییەکی ئەوتۆ نادەین بە ئۆرگانێک کە بەو جۆرە خۆبەخشییە کاردەکات. بەڵام تەندروستی مێشک ڕاستەوخۆ کاریگەری لەسەر هەردوو کوالیتی ژیانی ڕۆژانەمان و ئەدای پیشەییمان هەیە.

زانایانی دەمار ڕۆژانە باشتر لەوە تێدەگەن کە مێشک پێویستی بە چییە؟ بۆ ئەوەی بە شێوەیەکی تەندروست و کارا کار بکات.

لێرەدا ژمارەیەک ڕێگا دەخەینەڕوو بۆ پاراستنی تەندروستی مێشکت و زیادکردنی سەرکەوتنی پیشەکەت، کە لەلایەن توێژینەوەی زانستییەوە پشتگیری دەکرێت:

1. زیادکردنی ڕۆیشتنی خوێن

ڕۆیشتنی خوێنی پێویست بۆ مێشک پاڵپشتی زیندوویی دەروونی و داهێنان دەکات، وەرزشی بەردەوام و ڕۆیشتن و ڕاکێشان و چالاکییە ئایرۆبیکەکان یان دانس و سەما، سوڕی خوێن زیاد دەکەن و مەترسی لەدەستدانی یادەوەری و نەخۆشی بیرچوونەوە کەم دەکەنەوە.

2. پشوویەکی کورت بدە

مێشک بە درێژایی ڕۆژ "پشکنینی بچووک"ی کورتی خۆشدەوێت، ئەم پشووانە سترێس کەمدەکەنەوە و وزە زیاد دەکەن و دەروون تازە دەکەنەوە،هەناسەدانی قووڵ، ڕاکێشانی جەستە، یان ڕۆیشتن بۆ چەند خولەکێک دەتوانێت جیاوازییەکی گەورە دروست بکات.

3. لەگەڵ خۆت قسە بکە

قسەکردن لەگەڵ خۆت بە بەکارهێنانی ناوەکەت یارمەتیت دەدات هەستەکانت ڕێکبخەیت لە ساتەوەختە چالاکەکاندا، ئەم شێوازە ڕێگەت پێدەدات سترێسی کارەکەت بە شێوەیەکی تەندروستتر بەڕێوەببەیت.

4. خواردنی ئەو خۆراکانەی کە باری دەروونی زیاد دەکەن

خۆراکی تەندروست ڕاستەوخۆ کاریگەری لەسەر ئەدای مێشک دەبێت،ئەو خۆراکانەی دەوڵەمەندن بە سەرچاوەی پرۆتین، ترشە چەوری ئۆمیگا 3، ڤیتامین B و D (بۆ نموونە هێلکە، ماسی، دانەوێڵەی تەواو، ئەڤۆگادۆ) توانای دەروونی زیاد دەکەن.

5. خەوی کوالیتی بەدەست بهێنە

کەم خەوی ئەدای دەروونی کەم دەکاتەوە، دەبێتە هۆی لەبیرچوونەوە و توڕەبوون، خەوتنی ڕێکوپێک و پێویست ڕێگەت پێدەدات باشتر سترێس بەڕێوەببەیت و هاوسەنگتر مامەڵە بکەیت لە شوێنی کارەکەتدا.

6. مێدیتەیشن بکە یان یۆگا

مێدیتەیشنی وردبینی و ڕاهێنانی هەناسەدانی قووڵ ئاستی کۆرتیزۆڵ کەمدەکاتەوە و فۆکەس زیاد دەکات، تەنانەت تەنها 20 خولەک مەشقکردن دەتوانێت مەترسی هەڵەکردن کەم بکاتەوە.

7. کات بەسەربردن لە سروشتدا

بەسەربردنی لانیکەم 2 کاتژمێر لە هەفتەیەکدا لە ناوچە سروشتییەکان وەک پارک، دارستان یان کەنار دەریاکان پاڵپشتی تەندروستی دەروونی دەکات و یارمەتیت دەدات بە ڕوونی بیربکەیتەوە.

8. گوێ لە مۆسیقا بگرە

گوێگرتن لە مۆسیقای دڵخوازت نەک هەر باری دەروونیت باشتر دەکات بەڵکو بەرهەمهێنانت زیاد دەکات بە زیادکردنی نەرمی مێشک، گوێگرتن لە مۆسیقا لەکاتی کارکردندا دەتوانێت یارمەتیت بدات کە سەرنجت لەسەر بێت.

9. گەشبین بە

گەشبینی پشتگیری لە پەرەپێدانی پیشە دەکات، لە کاتێکدا مێشک زیاتر هەستیارە بە نەرێنی، بیرکردنەوە ئەرێنییەکان تەنانەت لە ئاستی خانەکانیشدا سوود دەبەخشن، گەشبینەکان لەگەڵ بەرزبوونەوەی تەمەندا کەمتر تووشی دابەزینی مەعریفی دەبن.