كارەبا گرانەكەی حكومەت گەیشتە سلێمانی

ناوەندی هەواڵ

لە چوارچێوەی پرۆژەی ڕووناکیدا كە بەشێك لە هاوڵاتیان بە كارەبا گرانەكە ناوی دەبەن، کارەبای 12 گەڕەکی شاری هەولێر و دوو گەڕەکی شاری سلێمانی، دەبێتە 24کاتژمێری.

وەزارەتی کارەبای حکومەتی هەرێمی کوردستان لە ڕاگەیەندراوێکدا، ئاماژەی بەوە دا، پرۆژەی ڕووناکی لە هەولێر و سلێمانی بەرفراوان دەبێت، کارەبای 12گەڕەکی دیکەی هەولێر و دوو گەڕەکی دیکەی سلێمانی، لە چوارچێوەی پرۆژەکەدا دەبێتە 24کاتژمێری.

بەپێی ڕاگەیەندراوەکە، گەڕەکەکان بریتین لە:

شاری هەولێر؛ گەڕەکەکانی (شۆڕش، کانی، نووسەران، کوێستان، کۆماری، ڕووناکی، پزیشکان، مەنتکاوە، ئازار، زانکۆ، حەمرین و شارەوانی)

شاری سلێمانی؛ گەڕەکەکانی (هەواری تازە و بەشێکی تووی مەلیک).

ئەوەش لە کاتێکدایە نارەزایەتی و نیگەرانی زۆر لەناو هاوڵاتیاندا سەبارەت بە گرانی نرخی کارەبای 24 کاتژمێری دروست بووە.