جاریکى دیکە یەکێتى و پارتى کۆدەبنەوە

وتەبێژى یەتى رایگەیاند، لەم هەفتەیەدا جارێکى دیکە هه‌ردو وەفدى یه‌كێتی و پارتی كۆبونه‌وه‌یه‌كی دیكه‌ تایبه‌ت به‌ پێكهێنانی كابینه‌ی ده‌یه‌می حكومه‌تی هه‌رێم ئەنجام دەدەن.

لە رۆژى 24-4-2025، وەفدی باڵای یەکێتیی نیشتمانیی کوردستان و پارتی دیموکراتی کوردستان بە سەرۆکایەتی بافڵ  تاڵەبانی و مەسرور بارزانی لە هاوینەهەواری دوکان کۆبونەوە بۆ گفتوگۆ لەسەر پرسی دابەشکردنی پۆستەکانی حکومەت بەڵام کۆبونەوەکە بەبێ ئەنجام کۆتتایى هات.

ئەمڕۆ شەممە 3-5-2025، سەعدى ئەحمەد پیرە وتەبێژى یەکێتى رایگەیاند،  بڕیارە لەم هەفتەدا هەردوو وەفدى  دانووستانکاری یەکێتى و پارتى  كۆببنەوە و بۆ گفتوگۆ لەسەر دوایین پەرەسەندنەکانی پێکهێنانی کابینەی دەیەمى حکومەت.

وتیشی، ئەو کۆبوونەوەیە بۆ دابەشکردنی پۆستەکانی کابینەی نوێی حکومەتی هەرێم بەڕێوەدەچێت.

لە 20-10-2024، هەڵبژاردنی خولی شەشەمی پەرلەمانی هەرێمی كوردستان بەڕێوەچو بەڵام  تا ئێستا کابینەى نوێى حكومەتی هەرێم پێكنەهێنراوە.