سەنتەری میترۆ: ئەگەر هەیە بەشێك لە ڕۆژنامەنووسان بەهۆی ژیری دەستکردەوە کارەکانییان لەدەست بدەن

بەڕێوەبەری سەنتەری میترۆ، لەڕۆژی جیهانی ئازادی ڕۆژنامەگەری ڕایگەیاند، ئەگەر هەیە بەشێك لە ڕۆژنامەنووسان بەهۆی ژیری دەستکردەوە كرێی كاركردن یان بەشێك لە كرێی كاركردنیان لەدەست بدەن.

 دیاری محەممەد بەڕێوەبەری سەنتەری میترۆ لە كۆنگرەیەکی ڕۆژنامەوانیدا كە بەبۆنەی ڕۆژی جیهانیی ئازادیی ڕۆژنامەنووسان ڕێكخرابوو، وتی" كاریگەرییەكانی ژیریی دەستكرد بەسەر كاری ڕۆژنامەوانی ترسناكە سوودی زۆرە بەڵام مەترسیی لەسەر كار و پیشەی ڕۆژنامەوانی هەیە و ڕەنگە بەشێك لە ڕۆژنامەنووسان بەو هۆیەوە كرێی كاركردن یان بەشێك لە كرێی كاركردنیان لەدەست بدەن.

ئاماژەی بەوەشکرد، بەشێك لە میدیاكان لە هەرێمی كوردستان لەڕێگەی ژیریی دەستكردەوە هەواڵ و زانیاریی نادروستییان بە خەڵك داوە.

ئاماژەی بەوەشکرد، پێویستە میدیاكان بە وریاییەوە مامەڵە لەگەڵ ژیریی دەستكرد بكەن.

ئەمەش لە کاتێکدایە، بەشێك لە میدیاكانی هەرێمی كوردستان ژیریی دەستكرد بۆ كاری ڕۆژنامەوانی بەكاردەهێنن.