وەزیری بەرگری ئیسرائیل بۆ ئەردۆغان: تۆ کوردەکانت کۆمەڵکوژ کردووە

ئیرادە میدیا

یسرائیل کاتز، وەزیری بەرگری ئیسرائیل، بە توندی وەڵامی فەرمانی دەستگیرکردنەکەی ڕەجەب تەیب ئەردۆغان، سەرۆک کۆماری تورکیای دایەوە و بە کۆمەڵکوژکردنی کورد تۆمەتباری کرد.

وەزیری بەرگری ئیسرائیل لە پەیامێکی ڕاستەوخۆ و تونددا بۆ ئەردۆغان، ئەو هەڕەشانەی سەرۆک کۆماری تورکیای بە "گاڵتەجاڕی" ناوبرد و وتی: ئەردۆغان، فەرمانە گاڵتەجاڕییەکانی دەستگیرکردنت هەڵبگرە و لێرە بڕۆ، چونکە ئەوانە زیاتر بۆ ئەو کۆمەڵکوژییە دەشێن کە دژی کوردەکان ئەنجامت داوە.

وەزارەتی بەرگری ئیسرائیل جەختی لەسەر ئەم خاڵە کردەوە کە وڵاتەکەیان لە هەموو کاتێک بەهێزترە و "ناترسێت".

یسرائیل کاتز، وەزیری بەرگری ئیسرائیل، لەگەڵ پەیامەکەیدا، وێنەیەکی کاریکاتێری ئەردۆغانی بڵاوکردەوە کە تێیدا چاوەکانی بە ئاڵای ئیسرائیل داپۆشرابوون و بە دووربینێکەوە سەیری غەزە دەکات دەکرد.

کاتز لە کۆتایی پەیامەکەیدا ئاماژەی بەم کاریکاتێرە کرد و بە ئەردۆغانی وتی: تۆ غەززە تەنها بە دووربین دەبینیت.

ئەم قسانەی کاتز، کاردانەوەیەکی ڕاستەوخۆ بوو بەرامبەر بە هەواڵەکانی چەند ڕۆژی ڕابردوو کە تیایدا ئەردۆغان فەرمانی دەستگیرکردنی بۆ بێنیامین ناتانیاهو، سەرۆک وەزیرانی ئیسرائیل و ژمارەیەک بەرپرسی دیکە دەرکردبوو.